Zviri Mubhuku raMapisarema

- - Kusiyana kweakarurama neakaipa
    - Mufaro wekuverenga mutemo waMwari (2)
    - Vakarurama vakaita semuti unobereka michero (3)
    - Vakaipa vakaita sehundi inopeperetswa (4)

Pisarema 1:1

Baya pane nhamba yevhesi kuti uone mamwe mavhesi anotaura zvakafanana.

Bhaibheri—Shanduro yeNyika Itsva

Pisarema 1:1-6

BHUKU REKUTANGA

(Mapisarema 1-41)

1 Anofara munhu asingafambi maererano nezano revakaipa

Asingamiri munzira yevatadzi+

Asingagari pachigaro chevanotaura zvekutsvinya.+

2 Asi chaanofarira mutemo waJehovha,+

Uye anoverenga mutemo wake nenzwi riri pasi* siku nesikati.+

3 Achaita semuti wakadyarwa pedyo nehova dzemvura,

Muti unobereka michero mumwaka wawo,

Une mashizha asingasvavi.

Uye zvese zvaanoita zvichabudirira.+

4 Vakaipa havana kudaro;

Vakaita sehundi inopeperetswa nemhepo.

5 Ndokusaka vakaipa vasingazorambi vakamira pakutongwa;+

Nevatadzi vasingazorambi vakamira muungano yevakarurama.+

6 Nekuti Jehovha anoziva nzira yevakarurama,+

Asi nzira yevakaipa ichaparara.+