Mapisarema

136 Ongai Jehovha, nekuti akanaka;+

Rudo rwake rusingachinji runogara nekusingaperi.+

 2 Ongai Mwari wavanamwari,+

Nekuti rudo rwake rusingachinji runogara nekusingaperi.

 3 Ongai Ishe wemadzishe,

Nekuti rudo rwake rusingachinji runogara nekusingaperi.

 4 Iye ega ndiye anoita zvinhu zvikuru zvinoshamisa,+

Nekuti rudo rwake rusingachinji runogara nekusingaperi.+

 5 Akaita matenga neunyanzvi,*+

Nekuti rudo rwake rusingachinji runogara nekusingaperi.

 6 Akatambanudza nyika pamusoro pemvura,+

Nekuti rudo rwake rusingachinji runogara nekusingaperi.

 7 Akaita zviedza zvikuru,+

Nekuti rudo rwake rusingachinji runogara nekusingaperi,

 8 Zuva, kuti ritonge masikati,+

Nekuti rudo rwake rusingachinji runogara nekusingaperi,

 9 Mwedzi nenyeredzi, kuti zvitonge pamwe chete usiku,+

Nekuti rudo rwake rusingachinji runogara nekusingaperi.

10 Akauraya matangwe eIjipiti,+

Nekuti rudo rwake rusingachinji runogara nekusingaperi.

11 Akabudisa vaIsraeri pakati pavo,+

Nekuti rudo rwake rusingachinji runogara nekusingaperi,

12 Neruoko rune simba+ uye neruoko rwakatambanudzwa,

Nekuti rudo rwake rusingachinji runogara nekusingaperi.

13 Akakamura Gungwa Dzvuku nepakati,+

Nekuti rudo rwake rusingachinji runogara nekusingaperi.

14 Akaita kuti vaIsraeri vapfuure nepakati paro,+

Nekuti rudo rwake rusingachinji runogara nekusingaperi.

15 Akazunzira Farao neuto rake rehondo muGungwa Dzvuku,+

Nekuti rudo rwake rusingachinji runogara nekusingaperi.

16 Akatungamirira vanhu vake nemurenje,+

Nekuti rudo rwake rusingachinji runogara nekusingaperi.

17 Akaparadza madzimambo makuru,+

Nekuti rudo rwake rusingachinji runogara nekusingaperi.

18 Akauraya madzimambo ane simba,

Nekuti rudo rwake rusingachinji runogara nekusingaperi,

19 Sihoni+ mambo wevaAmori,

Nekuti rudo rwake rusingachinji runogara nekusingaperi,

20 NaOgi+ mambo weBhashani,

Nekuti rudo rwake rusingachinji runogara nekusingaperi.

21 Akagova nyika yavo kuti ive nhaka,+

Nekuti rudo rwake rusingachinji runogara nekusingaperi,

22 Nhaka kumushumiri wake Israeri,

Nekuti rudo rwake rusingachinji runogara nekusingaperi.

23 Akatiyeuka patakanga takaderera,+

Nekuti rudo rwake rusingachinji runogara nekusingaperi.+

24 Airamba achitinunura kumhandu dzedu,+

Nekuti rudo rwake rusingachinji runogara nekusingaperi.

25 Anopa zvinhu zvese zvipenyu* zvekudya,+

Nekuti rudo rwake rusingachinji runogara nekusingaperi.

26 Ongai Mwari wekumatenga,

Nekuti rudo rwake rusingachinji runogara nekusingaperi.