95 Uyai, ngatipemberei nemufaro kuna Jehovha!
Ngatishevedzerei tichirumbidza Dombo reruponeso rwedu.+
2 Ngatiendei pamberi pake* tichionga;+
Ngatiimbei tichipembera nemufaro tichimurumbidza.
3 Nekuti Jehovha ndiMwari mukuru,
Mambo mukuru kupfuura vamwe vanamwari vese.+
4 Nzvimbo dzakadzika dzenyika dziri muruoko rwake;
Nhongonya dzemakomo ndedzake.+
5 Gungwa, iro raakasika, ndiye muridzi waro,+
Uye maoko ake ndiwo akaumba nyika yakaoma.+
6 Uyai tikotame tinamate;
Ngatipfugamei pamberi paJehovha Muiti wedu.+
7 Nekuti iye ndiye Mwari wedu,
Uye isu tiri vanhu vemafuro ake,
Makwai aanochengeta.*+
Nhasi kana mukateerera inzwi rake,+
8 Musaomesa mwoyo yenyu sepaMeribha,*+
Sepazuva reMasa* murenje,+
9 Pandakaedzwa nemadzitateguru enyu;+
Akapikisana neni, kunyange zvazvo akanga aona mabasa angu.+
10 Kwemakore 40 ndaisemeswa nechizvarwa ichocho, uye ndakati:
“Ivo vanhu vanogara vachitsauka mumwoyo yavo;
Havasati vava kuziva nzira dzangu.”
11 Saka ndakapika ndakatsamwa ndichiti:
“Havazopindi muzororo rangu.”+