Mapisarema

Rwiyo rwaDhavhidhi.

101 Ndichaimba nezverudo rusingachinji uye kururama.

Ndichaimba ndichikurumbidzai,* haiwa Jehovha.

2 Ndichangwarira uye ndichava asina mhosva* pamaitiro angu.

Muchauya riini kwandiri?

Ndichafamba mumba mangu nemwoyo wakaperera.+

3 Handizoisi chinhu chisingabatsiri pamberi pemaziso angu.

Ndinovenga zviito zvevaya vanotsauka pakuita zvakarurama;+

Ndichasiyana nazvo zvachose.*

4 Mwoyo usina kururama uri kure neni;

Handizobvumi* zvakaipa.

5 Munhu wese anosvibisa zita remuvakidzani wake pachivande,+

Ndichaita kuti anyarare.

Munhu wese ane maziso anozvikudza uye ane mwoyo unozvitutumadza,

Handizomusiyi akadaro.

6 Ndichatarisa vakatendeka vari panyika,

Kuti vagare neni.

Munhu anofamba asina mhosva,* achandishumira.

7 Hapana munhu anonyengera achagara mumba mangu,

Uye hapana munhu anonyepa achamira pamberi pangu.*

8 Mangwanani ega ega ndichaita kuti vakaipa vese vari panyika vanyarare,*

Kuti ndiparadze vanhu vese vanoita zvakaipa vari muguta raJehovha.+