Mapisarema

 2 Makore nerima gobvu zvakamupoteredza;+

Kururama nekutonga zvakarurama ndizvo nheyo dzechigaro chake cheumambo.+

 3 Moto unoenda uri pamberi pake,+

Woparadza mhandu dzake dziri kumativi ese.+

 4 Mheni yake inovhenekera nyika;

Nyika inoiona yodedera.+

 5 Makomo anonyunguduka senamo pamberi paJehovha,+

Pamberi paIshe wenyika yese.

 6 Matenga anozivisa nezvekururama kwake,

Uye marudzi ese anoona kukudzwa kwake.+

 7 Vese vaya vanoshumira chero mufananidzo wakavezwa ngavanyadziswe,+

Vaya vanozvirumbidza navanamwari vasina zvavanobatsira.+

 8 Ziyoni rinonzwa ropembera;+

Maguta eJudha ari kufara*

Nekuda kwemitongo yenyu, haiwa Jehovha.+

 9 Nekuti imi, haiwa Jehovha, ndimi Wekumusorosoro ari kumusoro kwenyika yese;

Makakwirira kupfuura vamwe vanamwari vese nekure.+

Iye anochengetedza upenyu hwevanhu* vake vakavimbika;+

Anovanunura mumaoko evakaipa.*+

11 Chiedza chakavhenekera vakarurama+

Uye mufaro wakabudira vaya vane mwoyo yakarurama.

12 Farai muna Jehovha, imi vakarurama,

Ongai zita rake dzvene.