Mapisarema

Kumutungamiriri; ruchiridzwa nemutinhimira weSheminiti.*

Rwiyo rwaDhavhidhi.

12 Ndiponeseiwo Jehovha, nekuti hapasisina munhu akavimbika;

Vanhu vakatendeka vanyangarika pakati pevanhu.

 2 Vanotaurirana nhema;

Vanonyengera nemiromo yavo uye vanotaura nemwoyo inonyengera.+

 3 Jehovha achacheka miromo yese inonyengera

Uye rurimi runozvikudza,+

 4 Vaya vanoti: “Tichakunda nerurimi rwedu.

Tinoita zvatinoda nemiromo yedu;

Ndiani achava tenzi wedu?”+

 5 “Nekuti vanotambudzika vakadzvinyirirwa,

Nekuti varombo vari kugomera,+

Ndichasimuka kuti ndiite chimwe chinhu,” anodaro Jehovha.

 6 Zvinotaurwa naJehovha zvakachena;+

Zvakaita sesirivha yakanatswa, yakacheneswa kanomwe muchoto chakaumbwa nevhu.*

 7 Muchavachengetedza, haiwa Jehovha;+

Muchadzivirira mumwe nemumwe wavo pachizvarwa ichi nekusingaperi.

 8 Vakaipa vanofamba-famba pasina anovadzora

Nekuti vanakomana vevanhu vanokurudzira uipi.+