Rwiyo 103
“Paimba Neimba”
Rakaprindwa
1. Pamba nemba, nemasuo,
Toparidza shoko.
Mumaguta nemaruwa
Makwai odyiswa.
Mashoko okuti Jesu
Otonga saMambo
Ari kuparidzwa kwose
Nemazera ose.
2. Pamba nemba, totaura
Nezvoruponeso
Rwevaya vari kudana
Zita raJehovha.
Vangadana sei zita
Ravasingazivi?
Kumba dzavo nemasuo
Zivisai zita.
3. Ngatiende pamasuo
Tiparidze Ushe.
Kubvuma kana kuramba,
Vazvisarudzire.
Isu chedu kuvaudza
Zita nechokwadi.
Tikaenda pamasuo,
Towana makwai.
(Onawo Mab. 2:21; VaR. 10:14.)