Unokoshesa Shoko raMwari Zvakadii?

Jehovha Mwari ndiye Munyori weBhaibheri, saka rine mashoko nepfungwa dzake. (2Pe 1:20, 21) Bhaibheri parinoramba richitaura nezvekurevererwa kweuchangamire hwaMwari achishandisa Umambo hwake, rinopa vanhu tariro yekuti pasina nguva zvinhu zvichanaka. Bhaibheri rinoratidzawo kunaka kwakaita Baba vedu vekudenga, Jehovha.​—Pis 86:15.

Mumwe nemumwe wedu ane zvikonzero zvinoita kuti akoshese Shoko raJehovha. Asi tinoratidza here kuti tinorikoshesa nekuriverenga zuva nezuva toshandisa zvarinotaura muupenyu hwedu? Dai zvatinoita zvikaratidza kuti tinobvumirana nemunyori wepisarema uyo akati: “Ndinoda chaizvo mutemo wenyu!”​—Pis 119:97.

ONA VHIDHIYO INONZI VAKAKOSHESA BHAIBHERI​—NZWISA (WILLIAM TYNDALE), WOZOPINDURA MIBVUNZO INOTEVERA:

• 

  Chii chakaita kuti William Tyndale ashandure zvikamu zveBhaibheri?

• Nei zvaakaita kuti akwanise kushandura Bhaibheri zvichibaya mwoyo?

• Bhaibheri rakashandurwa naTyndale rakapinda sei zvisiri pamutemo muEngland?

• Mumwe nemumwe wedu angaratidza sei kuti anokoshesa Shoko raMwari?