Zvakazarurwa 11:3 inotaura nezvezvapupu zviviri zvaizoprofita kwemazuva 1 260. Nhoroondo yacho inobva yataura kuti chikara chaizorwa nazvo “chozvikunda uye chozviuraya.” Asi pashure “pemazuva matatu nehafu,” zvapupu zviviri izvi zvaizomutswa uye kumutswa ikoko kwaizoshamisa vose vaiona.​—Zvak. 11:7, 11.

Nhoroondo iri muna Zekariya naZvakazarurwa dzakafanana papi? Imwe neimwe inotaura nezvevanhu vakazodzwa naMwari vaitungamirira panguva dzakaoma. Saka pakuzadziswa kunoitwa Zvakazarurwa chitsauko 11, hama dzakazodzwa dzaitungamirira pakagadzwa Umambo hwaMwari kudenga muna 1914 dzakaparidza ‘dzakapfeka masaga’ kwemakore matatu nehafu.