Jobo

9 Jobo a araba a re:

 2 “Kannete kea tseba hore ho joalo.

Empa motho ea shoang e ka ba ea nepileng joang nyeoeng le Molimo?+

 3 Haeba a ka khahloa ke ho tsekisana le eena,+

A ke ke a mo araba hang makhetlong a sekete.

 4 O pelo e bohlale ’me o matla.+

Ke mang ea ka bontšang manganga ho eena ebe ha a hlahe kotsi?+

 5 O suthisa lithaba,+ hoo batho ba sa li tsebeng,

Eena ea li helelitseng bohaleng ba hae.+

 6 O etsa hore lefatše le qale ho sisinyeha sebakeng sa lona,

Hoo litšiea+ tsa lona li reketlang.

 7 O bolella letsatsi hore le se ke la khanya,

O beha tiiso ho pota linaleli,+

 8 O otlolla maholimo+

O hatakela maqhubu a phahameng a leoatle;+

 9 O etsa sehlopha sa linaleli sa Ashe, sehlopha sa linaleli sa Kesile,

Le sehlopha sa linaleli sa Kima+ le likamore tse ka hare tsa Boroa;

10 O etsa lintho tse khōlō tse ke keng tsa batlisisoa,+

Le lintho tse hlollang tse se nang palo.+

11 Bona! O feta pel’a ka ’me ha ke mo bone,

O fetela pele ’me ha ke mo lemohe.+

12 Bona! Oa hloibila. Ke mang ea ka mo hanyetsang?

Ke mang ea tla re ho eena, ‘U etsa’ng?’+

13 Molimo a ke ke a khutlisa bohale ba hae;+

Ba thusang mohlaseli+ ba tla inama ka tlas’a hae.

14 Ho joalo hakaakang haeba nka mo araba!

Ke tla khetha mantsoe a ka ho eena,+

15 Eena eo ke neng nke ke ka mo araba, le hoja ke ne ke hlile ke nepile.+

Ke ne ke tla kōpa mohau ho ea nkhanyetsang molaong.+

16 Haeba ke ne ke mo bitsitse, na o ne a tla nkaraba?+

Ha ke lumele hore o ne a tla mamela lentsoe la ka;

17 Eena ea ntematsang ka sefefo

Le eo ka sebele a ngatafatsang maqeba a ka ntle ho lebaka.+

18 A ke ke a ntumella hore ke ntše letšoeea,+

Etsoe o ntse a nkhorisa lintho tse bohloko.

19 Haeba mang kapa mang a le matla, ke eo;+

Haeba mang kapa mang a le matla tokeng, hoja nka bitsoa!

20 Haeba ke ne ke nepile, molomo oa ka o ne o tla phatlalatsa hore ke khopo;

Haeba ke ne ke sa tšoauoe phoso, joale o ne a tla phatlalatsa hore ke khopame.

21 Haeba ke ne ke sa tšoauoe phoso, ke ne nke ke ka tseba moea oa ka;

Ke ne ke tla hana bophelo ba ka.

22 Ho na le ntho e le ’ngoe. Ke ka lebaka leo ke reng,

‘Ea sa tšoauoeng phoso, le ea khopo, oa ba felisa.’+

23 Haeba moroallo o phoroselang o ka baka lefu ka tšohanyetso,

O ne a tla soma ho felloa ke tšepo ha ba hlokang molato.

24 Lefatše ho nehelanoe ka lona letsohong la ea khopo;+

O koahela lifahleho tsa baahloli ba lona.

Haeba ho se joalo, he, ke mang?

25 Hape matsatsi a ka a phakisitse ho feta semathi;+

A balehile, ka sebele a ke ke a bona se molemo.

26 A tsamaile joaloka likepe tsa lehlaka,

Joaloka ntsu e potlakelang koana le koana bakeng sa se jeoang.+

27 Haeba ke itse, ‘E-re ke lebale ho tšoenyeha+ ha ka,

E-re ke fetole sefahleho+ sa ka ’me ke hlasimolohe,’

28 Ke tšohile bohloko+ bohle ba ka;

Kea tseba hore u ke ke ua nkuka ke le ea hlokang molato.

29 Ke lokela ho ba khopo.

Ke hobane’ng ha ke sehlela lefeela?+

30 Haeba ke itlhatsoitse metsing a lehloa,

Ke hloekisitse matsoho a ka ka makhona-tsohle,+

31 Joale u ne u tla nkenya ka sekoting,

Ka sebele liaparo tsa ka li ne li tla ntlhoea.

32 Etsoe hase motho+ ea tšoanang le ’na hore nka mo araba,

E le hore re ka kopana hammoho kahlolong.

33 Ha ho motho ea ka etsang qeto pakeng tsa rōna,+

E le hore a ka beha letsoho la hae holim ’a rōna ka bobeli.

34 A ke a tlose molamu oa hae holim ’a ka,+

Ho tšabeha ha hae, ho se ke ha ntšosa.

35 E-re ke bue ’me ke se ke ka mo tšaba,

Etsoe ha ke na tšekamelo e joalo.