Lipesaleme
Ea Davida.
144 Ho bokoe Jehova Lefika la ka,+
Ea rutang matsoho a ka ho loana,+
Ea rutang menoana ea ka ntoa;
2 Mosa oa ka o lerato le qhobosheane ea ka,+
Sebaka sa ka se phahameng sa tšireletso le Mopholosi oa ka,+
Thebe ea ka+ le Eo ke tšabetseng ho eena,+
Ea kokobetsang lichaba tlas’a ka.+
7 Otlolla matsoho a hao u le sebakeng se phahameng;+
Ntokolle ’me u ntopolle metsing a mangata,+
Matsohong a basele,+
8 Bao melomo ea bona e buileng seo e seng ’nete+
Le bao matsoho a bona a matona e leng matsoho a matona a leshano.+
9 Molimo, ke tla u binela pina e ncha.+
Ke tla u binela lipina tsa thoriso ka seletsa sa likhoele tse leshome,+
10 Uena Ea fanang ka poloko ho marena,+
Ea lokollang mohlanka oa hae Davida saboleng e kotsi.+
11 Ntokolle ’me u ntopolle matsohong a basele,+
Bao melomo ea bona e buileng seo e seng ’nete+
Le bao matsoho a bona a matona e leng matsoho a matona a leshano,+
12 Ba reng: “Bara ba rōna ba joaloka limela tse nyenyane tse hōlileng bocheng ba tsona,+
Barali ba rōna ba joaloka likhutlo tse betliloeng ka mokhoa oa ntlo ea ’muso,
13 Meliko ea rōna e tletse, e hlahisa lihlahisoa tsa mofuta o mong ka mor’a o mong,+
Mehlape ea rōna e ata ka likete, likete tse leshome ho o le mong, literateng tsa rōna,
14 Likhomo tsa rōna li imetsoe, ha li phatlohe ’me ha li folotse,+
Ha ho na mohoo mapatlelong a rōna.+