Lipesaleme

146 Rorisang Jah!+

Rorisa Jehova, Uena moea oa ka.+

 2 Ke tla rorisa Jehova ha ke sa ntse ke phela.+

Ke tla binela Molimo oa ka lipina tsa thoriso hafeela ke ntse ke le teng.+

 3 Le se ke la tšepa bahlomphehi,+

Kapa mora oa motho oa lefatše, eo ho seng poloko ho eena.+

 4 Moea oa hae oa tsoa,+ eena o khutlela lerōleng la hae;+

Ka letsatsi leo menahano ea hae ea timela.+

 5 Ho thaba eo Molimo oa Jakobo e leng thuso ea hae,+

Eo tšepo ea hae e leng ho Jehova Molimo oa hae,+

 6 Moetsi oa leholimo le lefatše,+

Oa leoatle, le oa tsohle tse ho tsona,+

Ea bolokang ’nete ho isa nakong e sa lekanyetsoang,+

 7 Ea phethisang kahlolo bakeng sa ba etselitsoeng bolotsana,+

Ea fang ba lapileng bohobe.+

Jehova o lokolla ba tlamiloeng.+

 8 Jehova o tutubolla mahlo a lifofu;+

Jehova o phahamisa ba inameng;+

Jehova o rata ba lokileng.+

 9 Jehova o lebela bajaki;+

O imolla moshanyana ea se nang ntate le mohlolohali,+

Empa o khopamisa+ litsela tsa ba khopo.+

10 Jehova e tla ba morena ho isa nakong e sa lekanyetsoang,+

Molimo oa hao, Uena Sione, e be morena ho isa molokong o mong ka mor’a o mong.+

Rorisang Jah!+