Lipesaleme

19 Maholimo a bolela khanya ea Molimo;+

Sepakapaka se bolela mosebetsi oa matsoho a hae.+

 2 Letsatsi le leng ka mor’a le leng le etsa hore puo e khaphatsehe,+

Bosiu bo bong ka mor’a bo bong bo bonahatsa tsebo.+

 3 Ha ho puo, ’me ha ho mantsoe;

Ha ho lentsoe la ’ona le ntseng le utluoa.+

 4 Khoele ea ’ona ea ho lekanya e kene lefatšeng lohle,+

Le lipolelo tsa ’ona ho isa pheletsong ea naha e behang.+

Ho ’ona o behile tente bakeng sa letsatsi,+

 5 Le joaloka monyali ha a tsoa ka leqatheng la hae;+

Le thaba joalokaha motho ea matla a thabela ka ho fetisisa ho matha tseleng.+

 6 Le tsoa pheletsong e ’ngoe ea maholimo,

Potoloho ea lona e feletseng e ea lipheletsong tse ling tsa ’ona;+

Ha ho letho le patehileng mochesong oa lona.+

 7 Molao+ oa Jehova o phethahetse,+ o hlasimolla moea.+

Khopotso+ ea Jehova ea tšepahala,+ e hlalefisa ea se nang phihlelo.+

 8 Litaelo+ tse tsoang ho Jehova li lokile,+ li thabisa pelo;+

Taelo+ ea Jehova e hloekile,+ e etsa hore mahlo a khanye.+

 9 Ho tšaba+ Jehova ho hloekile, ho ema ka ho sa feleng.

Liqeto tsa boahloli+ tsa Jehova ke tsa ’nete;+ li lokile ka ho feletseng.+

10 Li lakatseha ho feta khauta, e, ho feta khauta e ngata e hloekisitsoeng;+

Li monate ho feta mahe a linotši+ le mahe a linotši a phallang a khekhe ea linotši.+

11 Hape, mohlanka oa hao o lemositsoe ke tsona;+

Ho li boloka ho na le moputso o moholo.+

12 Liphoso—ke mang ea ka li lemohang?+

U phatlalatse hore ke hloka molato libeng tse patehileng.+

13 Hape u thibe mohlanka oa hao liketsong tsa ho iketelletsa pele;+

U se ke ua li tlohela hore li ntaole.+

Tabeng eo ke tla ba ea feletseng,+

Ke tla be ke lutse ke hloka molato litlōlong tse ngata.

14 Lipolelo tsa molomo oa ka le ho thuisa ha pelo ea ka+

E ke e be tse khahlisang ka pel’a hao, Jehova Lefika+ la ka le Molopolli+ oa ka.