Lipesaleme

51 Mpontše mohau, Molimo, ho ea ka mosa oa hao o lerato.+

Hlakola litlōlo tsa ka ho ea ka bongata ba mehauhelo ea hao.+

 2 Ntlhatsoe ka ho phethahetseng phosong ea ka,+

U ntlhoekise esita le sebeng sa ka.+

 3 Etsoe ke tseba litlōlo tsa ka,+

Sebe sa ka se ka pel’a ka kamehla.+

 4 Ke sitetsoe uena,+ uena u le mong,

Ke entse se sebe mahlong a hao,+

E le hore u ka ba ea lokileng ha u bua,+

Hore u se ke ua ba le molato ha u ahlola.+

 5 Bona! Ke ile ka tsoalloa phosong ka bohloko ba pelehi,+

’Mè a nkemolela sebeng.+

 6 Bona! U khahliloe ke ’nete lithong tse ka hare;+

Bothong bo ka sephiring e se eka u ka etsa hore ke tsebe bohlale bo fetisisang.+

 7 E se eka u ka ntlhoekisa sebeng ka hysopa, e le hore nka hloeka;+

E se eka u ka ntlhatsoa, e le hore nka soeufala esita le ho feta lehloa.+

 8 E se eka u ka etsa hore ke utloe thabo e khaphatsehang le nyakallo,+

E le hore masapo ao u a silakantseng a ka thaba.+

 9 Patela libe tsa ka sefahleho sa hao,+

U hlakole esita le liphoso tsohle tsa ka.+

10 Molimo, bōpa ka ho ’na pelo e hloekileng,+

U kenye ka hare ho ’na moea o mocha, o tiileng.+

11 U se ke ua ntahlela hōle le sefahleho sa hao;+

U se ke ua tlosa moea oa hao o halalelang ho ’na.+

12 U busetse ho ’na thabo e khaphatsehang ea poloko ea hao,+

E se eka u ka ntšehetsa esita le ka moea o ratang.+

13 Ke tla ruta batlōli litsela tsa hao,+

E le hore baetsalibe ba ka khutlela ho uena.+

14 Ntopolle molatong oa mali,+ Molimo, Molimo oa poloko ea ka,+

E le hore leleme la ka le ka bolela ka thabo ho loka ha hao.+

15 Jehova, e se eka u ka bula molomo oa ka,+

E le hore molomo oa ka o ka bolela thoriso ea hao.+

16 Etsoe ha u khahloe ke sehlabelo—ho seng joalo ke ne ke tla nehelana ka sona;+

Ha u khahlisoe ke nyehelo e feletseng ea secheso.+

17 Mahlabelo a eang ho Molimo ke moea o robehileng;+

Molimo, u ke ke ua nyelisa pelo e robehileng le e sithabetseng.+

18 Kamohelong ea hao u sebetsane hantle le Sione;+

E se eka u ka haha marako a Jerusalema.+

19 Tabeng eo u tla thabisoa ke mahlabelo a ho loka,+

Ke sehlabelo sa secheso le nyehelo e feletseng;+

Tabeng eo lipoho li tla nyeheloa hona aletareng ea hao.+