Luka
3 Ka selemo sa leshome le metso e mehlano sa puso ea Tiberiuse Cesare, ha Ponse Pilato e ne e le ’musisi oa Judea, ’me Heroda+ e le ’musi oa setereke oa Galilea, empa Filipi mor’abo e le ’musi oa setereke oa naha ea Iturea le Trakonitise, ’me Lysaniase e le ’musi oa setereke oa Abilene, 2 matsatsing a moprista ea ka sehloohong Anase le a Kaifase,+ polelo ea Molimo ea tla ho Johanne+ mora oa Zakaria lefeelleng.+
3 Kahoo a kena naheng eohle e potolohileng Jordane, a bolela kolobetso tšoantšetsong ea pako bakeng sa tšoarelo ea libe,+ 4 feela joalokaha ho ngoliloe bukeng ea mantsoe a moprofeta Esaia: “Mamelang! E mong oa hoeletsa lefeelleng, ‘Lokisang tsela ea Jehova, le otlolle+ mebila ea hae. 5 Khohlo e ’ngoe le e ’ngoe e tla tlatsoa, thaba e ’ngoe le e ’ngoe le leralla le leng le le leng li batalatsoe, le matsoelintsoeke e tla ba litsela tse otlolohileng ’me libaka tse makukuno e be litsela+ tse bataletseng; 6 ’me nama eohle e tla bona mokhoa oa Molimo oa ho pholosa.’”+
7 Ka hona a qala ho re ho bongata bo neng bo tsoa hore a tl’o bo kolobetsa: “Lōna malinyane a bo-marabe,+ ke mang ea le tsebisitseng hore le balehele khalefo+ e tlang? 8 Ka hona hlahisang litholoana tse tšoanelang pako.+ Le se ke la qala ho re ka hare ho lōna, ‘Ntat’a rōna ke Abrahama.’ Etsoe ke re ho lōna Molimo o na le matla a ho hlahisetsa Abrahama bana ka majoe ana. 9 Ka sebele, selepe se se se le metsong ea lifate; ka hona, sefate se seng le se seng se sa hlahiseng litholoana tse ntle se tla rengoa ’me se lahleloe mollong.”+
10 Bongata bo ne bo mo botsa: “Joale, re tla etsa+ joang?”11 Ha a araba o ne a re ho bona: “Motho ea nang le liaparo tse peli tsa ka tlaase a ke a arolelane le motho ea se nang letho, le ea nang le lintho tse jeoang a ke a etse se tšoanang.”+ 12 Empa esita le babokelli ba lekhetho ba ile ba tla hore ba kolobetsoe, ’me ba re ho eena: “Mosuoe, re tla etsa joang?”+ 13 A re ho bona: “Le se ke la batla ntho leha e le efe e fetang tekanyetso ea lekhetho.”+ 14 Hape, ba tšebeletsong ea sesole ba ne ba mo botsa: “Le rōna re tla etsa joang?” Eaba o re ho bona: “Le se ke la tšoenya leha e le mang kapa la qosa+ leha e le mang ka bohata, empa le khotsofalle tseo le li lokiselitsoeng.”+
15 Joale ha batho ba ntse ba lebeletse ’me kaofela ba nahana ka lipelong tsa bona mabapi le Johanne: “Na ekaba mohlomong ke eena Kreste?”+ 16 Johanne a araba, a re ho bohle: “’Na, ke le kolobetsa ka metsi; empa ea matla ho mpheta oa tla, eo ke sa tšoaneleheng ho tlamolla+ maqhoele a meqathatso ea hae. O tla le kolobetsa ka moea o halalelang le mollo.+ 17 Kharafu ea hae ea ho olōsa e letsohong la hae hore a hloekise seotlo sa hae ka ho feletseng le ho bokellela+ koro ka tlung ea hae ea polokelo, empa ’mōkō+ o tla o chesa ka mollo+ o ke keng oa tima.”
18 Ka hona a boela a fana ka likeletso tse ling tse ngata ’me a tsoela pele ho bolella batho litaba tse molemo. 19 Empa Heroda ’musi oa setereke, ka lebaka la ho khalemeloa ke eena malebana le Herodiase mosali oa mor’abo le malebana le liketso tsohle tse khopo tseo Heroda a ileng a li etsa,+ 20 a eketsa le sena liketsong tseo kaofela: a koalla Johanne chankaneng.+
21 Joale ha batho bohle ba kolobetsoa, Jesu+ le eena a kolobetsoa ’me, ha a ntse a rapela, leholimo+ la buleha 22 ’me moea o halalelang oa theohela holim ’a hae o le sebōpehong sa ’mele se joaloka leeba, ’me lentsoe la tsoa leholimong: “U Mora oa ka, ea ratoang; ke u amohetse.”+
23 Ho feta moo, Jesu, ha a qala mosebetsi+ oa hae, o ne a ka ba lilemo li mashome a mararo,+ ’me kamoo maikutlo a neng a le kateng, e le mora+
oa Josefa,+
mora oa Heli,
24 mora oa Mathate,
mora oa Levi,
mora oa Melki,
mora oa Jannai,
mora oa Josefa,
25 mora oa Matathiase,
mora oa Amose,
mora oa Nahume,
mora oa Esli,
mora oa Nagai,
26 mora oa Maathe,
mora oa Matathiase,
mora oa Semeine,
mora oa Joseke,
mora oa Joda,
27 mora oa Joanane,
mora oa Resa,
mora oa Zorobabele,+
mora oa Shalatiele,+
mora oa Neri,
28 mora oa Melki,
mora oa Adi,
mora oa Kosame,
mora oa Elmadame,
mora oa Ere,
29 mora oa Jesu,
mora oa Eliezere,
mora oa Jorime,
mora oa Mathate,
mora oa Levi,
30 mora oa Symeone,
mora oa Judase,
mora oa Josefa,
mora oa Jonama,
mora oa Eliakime,
31 mora oa Melea,
mora oa Mena,
mora oa Matatha,
mora oa Nathane,+
mora oa Davida,+
mora oa Obede,+
mora oa Boaze,+
mora oa Salmone,+
mora oa Nashone,+
mora oa Arni,+
mora oa Hezrone,+
mora oa Pereze,+
mora oa Juda,+
mora oa Isaka,+
mora oa Abrahama,+
mora oa Tera,+
mora oa Nakore,+
mora oa Reu,+
mora oa Pelege,+
mora oa Ebere,+
mora oa Shela,+
36 mora oa Kainane,
mora oa Arpakshade,+
mora oa Sema,+
mora oa Noe,+
mora oa Lameke,+
mora oa Enoke,+
mora oa Jarede,+
mora oa Mahalaliele,+
mora oa Kainane,+
mora oa Setha,+
mora oa Adama,+
mora oa Molimo.