28 kaha veine ena e emela mali+ a ka e leng ‘mali a selekane,’+ a tlang ho tšolloa molemong oa ba bangata+ hore ba tšoareloe libe.+

25 Molimo o ile a fana ka Jesu e le nyehelo+ e le hore re ka khutlela ho eena ka hore re bontše tumelo maling a Jesu.+ O entse joalo e le hore a bonahatse ho loka ha hae hobane a ne a bontša hore o na le mamello ka ho tšoarela libe tse entsoeng nakong e fetileng.

9 Kaha joale re nkoa re lokile ka lebaka la mali a Jesu,+ re ka kholiseha le ho feta hore re tla pholosoa khalefong ea Molimo.+

7 Re lopolotsoe sebeng hobane mora oa hae o ile a re patalla ka mali a hae.+ Ka hona, re tšoareloa libe+ ka lebaka la mosa o moholo oa Molimo.

22 Ho ea ka Molao, hoo e ka bang lintho tsohle li hloekisoa ka mali+ ’me libe li ke ke tsa tšoareloa ha mali a sa tšolohe.+

12 Kahoo, Jesu le eena o ile a hlokofatsoa a le ka ntle ho motse*+ e le hore a ka halaletsa batho ka mali a hae.+

2 Molimo Ntate oa rona o ile a le khetha hobane a rerile esale pele.+ O ile a le khetha ka ho le halaletsa ka moea o halalelang+ e le hore le mo mamele, a ba a le hloekisa ka mali a Jesu Kreste.+

E se eka Molimo a ka le bontša mosa* o mongata a be a le fe le khotso e ngata.

7 Leha ho le joalo, haeba re tsamaea leseling joalokaha le eena a le leseling, re fela re momahane ’me mali a Mora oa hae Jesu a re hloekisa sebeng sohle.+

5 Hape e se eka Jesu Kreste a ka le bontša mosa le ho le fa khotso. Ke “Paki e Tšepahalang,”+ “oa pele ho ba tsositsoeng bafung”+ le “’Musi oa marena a lefatše.”+

Jesu oa re rata+ hape o re lokolotse libeng tsa rona ka mali a hae,+