• 1 Likronike 16:28-33
    Bibele—Phetolelo ea Lefatše le Lecha

    • 28 Rorisang Jehova, lona malapa a lichaba,

      Rorisang Jehova ka lebaka la khanya le matla a hae.+

      29 Rorisang Jehova hobane lebitso la hae le tšoaneloa ke thoriso.+

      Tlisang mpho ’me le kene ka pel’a hae.+

      Inamelang* Jehova le apere liaparo tse halalelang.*+

      30 Le thothomele ka pel’a hae, lona bohle ba lefatšeng.

      Lefatše le tiisitsoe ka thata ebile le ke ke la suthisoa.*+

      31 Maholimo a ke a thabe le lefatše le ke le thabe.+

      E-reng ho lichaba: ‘Jehova ke Morena!’+

      32 Leoatle le tsohle tse ho lona li ke li hoeletse li thabile.

      Masimo le tsohle tse ho ’ona li ke li thabe.

      33 Ka nako e tšoanang lifate tsa moru li ke li hoeletse li thabile ka pel’a Jehova

      Hobane oa tla,* o tl’o ahlola lefatše.