Watchtower ONLINE LIBRARY

Watchtower ONLINE LIBRARY

Sesotho (Lesotho)

Pesaleme 135:15-18

Bibele—Phetolelo ea Lefatše le Lecha
- 15 Litšoantšo tseo lichaba li li rapelang li entsoe ka silevera le khauta,
  Li entsoe ke batho.+
  
  16 Li na le melomo empa ha li bue.+
  
  Li na le mahlo empa ha li bone.
  
  17 Li na le litsebe empa ha li utloe.
  
  Ebile ha li khone le ho hema.+
  
  18 Batho ba li etsang ba tla tšoana le tsona+
  Le bohle ba li tšepang ba tla tšoana le tsona.+

Esaia 40:19

Bibele—Phetolelo ea Lefatše le Lecha
- 19 Setsebi sa mosebetsi oa matsoho se etsa setšoantšo,*
  Motho ea sebetsang ka tšepe o se penta ka khauta+
  Ebe o tea liketane tsa silevera.

Esaia 46:6

Bibele—Phetolelo ea Lefatše le Lecha
- 6 Ho na le batho ba ntšang khauta e ngata lipacheng tsa bona.
  
  Ba bekha silevera sekaleng.
  
  Ba hira motho ea sebetsang ka tšepe ebe o etsa molimo ka silevera eo.+
  
  Ba itihela fatše ka lifahleho, baa o rapela.*+

Jeremia 10:3, 4

Bibele—Phetolelo ea Lefatše le Lecha
- 3 Etsoe meetlo ea lichaba ha e na thuso.
  
  Setsebi sa mesebetsi ea matsoho se rema sefate morung
  Ebe ka sona se etsa setšoantšo.+
  
  4 Ba se khabisa ka silevera le khauta+
  Ebe ba se kokotela ka hamore le lipekere e le hore se se ke sa oa.+

Jeremia 10:8, 9

Bibele—Phetolelo ea Lefatše le Lecha
- 8 Kaofela ha bona ha ba nahane ’me ha ba na kelello.+
  
  Thuto e fanoang ke litšoantšo tse entsoeng ka sefate ha e na thuso ho hang.+
  
  9 Makapa a silevera a rekoa Tarshishe+ le khauta e rekoa Ufaze,
  Li entsoe ke setsebi sa mesebetsi ea matsoho le matsoho a ea sebetsang ka tšepe.
  
  Liaparo tsa bona li entsoe ka khoele e putsoa le boea bo pherese.
  
  Kaofela li entsoe ke basebetsi ba hloahloa.

Liketso 19:26

Bibele—Phetolelo ea Lefatše le Lecha
- 26 Lea bona ebile lea utloa kamoo Pauluse enoa a fetotseng maikutlo a batho ba bangata kateng ha a re melimo e entsoeng ka matsoho ha se melimo.+ Ha aa etsa lintho tsena Efese+ feela empa o li entse le profinseng eohle ea Asia.

1 Bakorinthe 10:19

Bibele—Phetolelo ea Lefatše le Lecha
- 19 Na ke re ntho e hlabetsoeng setšoantšo se rapeloang e bohlokoa kapa sona setšoantšo se bohlokoa?