8 O tla felisa lefu ka ho sa feleng.+

Jehova ’Musi oa Lintho Tsohle o tla hlakola meokho lifahlehong tsohle.+

Lefu, metsu ea hao e hlabang e hokae?+

Lebitla, matla a hao a ho felisa a hokae?+

Nke ke ka le qenehela.

26 Empa tabeng ea ho tsosoa ha bafu, na ha lea ka la bala bukeng ea Moshe moo ho buuoang ka sehlahla se meutloa, hore Molimo o ile a re ho eena: ‘Ke ’na Molimo oa Abrahama, Isaka le Jakobo’?+

28 Le se ke la makala hobane ho na le nako eo bohle ba mabitleng* ba tla utloa lentsoe la hae+ 29 ebe baa tsoa. Ba entseng lintho tse lokileng ba tla tsohela bophelo, ba neng ba tloaetse ho etsa lintho tse fosahetseng ba tsohele kahlolo.*+

24 Maretha a re: “Kea tseba hore o tla tsoha mohla tsoho ea bafu+ ka letsatsi la ho qetela.” 25 Jesu a re ho eena: “Ke ’na tsoho le bophelo.+ Ea bontšang hore o lumela ho ’na, leha a ka shoa o tla boela a phele.

15 Ke na le tšepo eo batho bana le bona ba nang le eona ea hore Molimo o tla tsosa+ batho ba lokileng le ba sa lokang bafung.+

21 Kaha lefu le bile teng ka motho,+ tsoho ea bafu le eona e teng ka motho.+

14 Haeba re lumela hore Jesu o ile a shoa a ba a tsoha,+ re boetse re lumela hore Molimo o tla tsosa bohle ba shoeleng e le balateli ba Jesu e le hore ba ka ba le Jesu.+

12 Ka bona bafu ba baholo le ba banyenyane ba eme ka pel’a terone ’me meqolo ea buloa. Empa ho ile ha buloa moqolo o mong, moqolo oa bophelo.+ Bafu ba ile ba ahloloa ka lintho tse ngotsoeng meqolong eo ho ea ka liketso tsa bona.+ 13 Leoatle la khutlisa bafu ba ka ho lona, lefu le Lebitla* le tsona tsa khutlisa bafu ba ka ho tsona eaba e mong le e mong o ahloloa ho ea ka liketso tsa hae.+