U Mengoa ka Mofuthu

Lefu la motho Jesu Kreste lilemong tse ka holimo ho 1 900 tse fetileng e bile ketsahalo ea bohlokoa haholo historing. Le buletse kaofela ha rōna tebello ea ho fumana bophelo bo sa feleng tlas’a maemo a Paradeise. Moketeng o monyenyane, Jesu o sebelisitse veine le bohobe tse sa lomosoang e le litšoantšetso tsa sehlabelo sa hae sa botho se lerato. O ile a bolella balateli ba hae: “Etsang hona hore le tle le ’ne le nkhopole.” (Luka 22:19) Na u tla hopola?

Lipaki tsa Jehova li u mema ka mofuthu hore u kopanele le tsona ho bolokeng mokete ona oa Sehopotso. O tla tšoaroa ka mor’a shoalane letsatsing le nyalanang le la Nisane 14 almanakeng ea Bibele e baloang ho latela khoeli e holimo. U ka ba teng Holong ea ’Muso e haufi le lehae la hao. Botsa Lipaki tsa Jehova tsa sebaka seo u leng ho sona nako e tobileng le sebaka. Letsatsi la mokete ka 1992 e tla ba Labohlano, April 17.