-
Barali ba Motho ba Mahlomoleng “ba Hahileng Ntlo ea Iseraele”Molula-Qhooa—2007 | October 1
-
-
Ketsahalo e totobatsang bora bo neng bo le teng pakeng tsa Ragele le Lea ke ea limandrake tse ileng tsa fumanoa ke mora oa Lea, Rubene. Ho ne ho nahanoa hore tholoana ena e thusa batho ho emola. Ha Ragele a ne a kōpa tse ling, Lea o ile a mo jajabetsa ka bohale a re: “Na ke ntho e nyenyane hore ebe u nkile monna oa ka, ’me joale u nka limandrake tsa mora oa ka?” Ba bang ba re sena se boletsoeng ke Lea se ne se bolela hore Jakobo o ne a qeta nako e ngata a e-na le Ragele ho feta Lea. Mohlomong Ragele o ile a hlokomela hore Lea o na le lebaka le utloahalang la ho ipelaetsa, hobane o ile a araba tjena: “Ka lebaka leo o tla robala le uena bosiung bona e le phapanyetsano bakeng sa limandrake tsa mora oa hao.” Ka hona ha Jakobo a fihla lapeng mantsiboeeng ao, Lea o ile a re ho eena: “U tla kopanela liphate le ’na, hobane ke u hirile ka ho toba ka limandrake tsa mora oa ka.”—Genese 30:15, 16.
-
-
Barali ba Motho ba Mahlomoleng “ba Hahileng Ntlo ea Iseraele”Molula-Qhooa—2007 | October 1
-
-
Limandrake ha lia ka tsa thusa. Ha Ragele a qetella a imme ’me a e-ba le Josefa ka mor’a lilemo tse tšeletseng a nyetsoe, ke hobane Jehova o ne a mo ‘hopotse’ ’me a arabile thapelo ea hae. Ke hona Ragele a neng a ka re: “Molimo o tlositse nyeliso ea ka!”—Genese 30:22-24.
-