-
Jehova o Kokobetsa Motse o IphahamisangBoprofeta ba Esaia—Leseli Molokong oa Batho I
-
-
17, 18. Ho hlōloa ha Babylona ho tla bolela litlhohonolofatso life ho Iseraele?
17 Ho oa ha Babylona e tla ba thuso ho Iseraele. Ho tla bolela ho lokolloa botlamuoeng le ho ba le monyetla oa ho khutlela Naheng e Tšepisitsoeng. Kahoo, joale Esaia o re: “Jehova o tla bontša Jakobo mohau, ’me o sa ntse a tla khetha Baiseraele; o tla ba fa phomolo naheng ea bona, ’me mojaki o tla kopanngoa le bona, ’me ba ikamahanye le ntlo ea Jakobo. Lichaba li tla ba nka li ba tlise sebakeng sa bona, ’me ntlo ea Iseraele e tla inkela tsona e le leruo naheng ea Jehova e le bahlanka le makhabunyane; ba tla fetoha baholehi ba ba ba tšoereng e le baholehuoa, ’me ba tla laola ba neng ba ba qobella ho sebetsa.” (Esaia 14:1, 2) Mona “Jakobo” e bolela Iseraele ka kakaretso—meloko eohle e 12. Jehova o tla bontša “Jakobo” mohau ka ho lumella sechaba ho khutlela naheng ea habo sona. Ba tla tsamaea le basele ba likete, bao ba bangata ba bona ba tlang ho sebeletsa Baiseraele e le bahlanka tempeleng. Baiseraele ba bang ba tla be ba laole bao e neng e le baholehi ba bona pele.c
-
-
Jehova o Kokobetsa Motse o IphahamisangBoprofeta ba Esaia—Leseli Molokong oa Batho I
-
-
c Ka mohlala, Daniele o ile a khetheloa ho ba ofisiri e khōlō Babylona tlas’a puso ea Bamede le Bapersia. ’Me lilemo tse ka bang 60 hamorao, Esthere e ile ea e-ba mofumahali oa Morena Assueruse oa Persia, ’me Mordekai ea e-ba tona-khōlō ea ’Muso oohle oa Persia.
-