-
“Babylona e Oele!”Boprofeta ba Esaia—Leseli Molokong oa Batho I
-
-
8. Joalokaha ho profetiloe, Bababylona ba itšoara joang, le hoja lira tsa bona li le ka ntle ho marako?
8 Ha masiu a ntse a roalellana bosiung boo ba tlokotsi, Bababylona ha ba nahane letho le tšosang. Lilemo tse makholo a mabeli pele ho moo, Esaia o bolela esale pele: “Tafole e ke e lokisoe, ho hlophisoe sebaka sa litulo, ho jeoe, ho nooe!” (Esaia 21:5a) E, Morena Belshatsare ea ikakasang o entse mokete. Ho hlophisitsoe litulo bakeng sa matona a hae a sekete, hammoho le basali ba hae ba bangata le lirethe tsa hae tse ngata. (Daniele 5:1, 2) Ba leng moketeng oo o lerata baa tseba hore ho na le lebotho la ntoa ka ntle ho marako, empa ba lumela hore motse oa bona ha o kenehe. Marako a motse a maholohali le foro e tebileng e tletseng metsi li etsa hore e be o ke keng oa hapuoa; melimo ea oona e mengata e etsa hore hoo e be ho ke keng ha nahanoa le hanyenyane feela. Kahoo, ha ‘ho jeoeng, ho nooeng!’ Belshatsare oa tahoa, mohlomong ebile hase eena feela ea tahiloeng. Hore liofisiri tse khōlō li ne li tahiloe ho bontšoa ke hore ho hlokahala hore li tsosoe, joalokaha mantsoe a latelang a Esaia a boprofeta a bontša.
9. Ke hobane’ng ha ho hlokahala hore ho ‘tlotsoe thebe’?
9 “Emang, lōna likhosana, tlotsang thebe.” (Esaia 21:5b) Moketjana o fela ka tšohanyetso. Likhosana li lokela ho tsoha! Moprofeta Daniele ea tsofetseng le eena oa bitsoa, ’me o bona kamoo Jehova a etsang hore Morena Belshatsare oa Babylona a be boemong ba ho tšoha ka tsela e tšoanang le eo Esaia a e hlalositseng kateng. Matona a morena a thulana ka lihlooho ha mabotho a kopaneng a Bamede, Bapersia le Baelame a phunyeletsa mekoallo e sireletsang motse. Babylona e oa ka potlako! Leha ho le joalo, ho ‘tlotsa thebe’ ho bolela eng? Ka linako tse ling Bibele e bitsa morena oa sechaba thebe ea sona hobane ke eena mosireletsi le mohlokomeli oa naha.b (Pesaleme ea 89:18) Kahoo mohlomong temana ena ea Esaia e bolela esale pele hore ho hlokahala morena e mocha. Hobane’ng? Hobane Belshatsare oa bolaoa “bosiung bona boo.” Kahoo, ho hlokahala hore ho ‘tlotsoe thebe,’ kapa ho khethoe morena e mocha.—Daniele 5:1-9, 30.
-
-
“Babylona e Oele!”Boprofeta ba Esaia—Leseli Molokong oa Batho I
-
-
b Bahlalosi ba bangata ba Bibele ba nahana hore mantsoe, “tlotsang thebe” a bolela tloaelo ea boholo-holo ea sesole ea ho tlotsa lithebe tsa letlalo ka oli pele ho ntoa e le hore marumo a mangata a tle a thelle feela. Le hoja e ka ’na eaba ena ke tlhaloso e ’ngoe, ho lokela ho hlokomeloe hore bosiung boo motse o ileng oa oa ka bona, Bababylona ha baa ka ba e-ba le nako ea ho loana, re se re sa re letho ka ea ho itokisetsa ntoa ka ho tlotsa lithebe tsa bona!
-