-
“E-eang ’me le Etse . . . Barutuoa”‘Tloo U be Molateli oa Ka’
-
-
12 Jesu o ile a boela a ruta barutuoa ba hae hore ba qobe litšitiso tse sa hlokahaleng. O ile a re: “Ha le le tseleng le se ke la lumelisa leha e le mang ka ho mo kopa.” (Luka 10:4) Na Jesu o ne a re ba hloke botsoalle kapa ba se ke ba tsotella batho ba bang? Che. Mehleng ea Bibele hangata tumeliso e ne e sa felle feela ka ho re lumela. Ho lumelisana ka tsela ea moetlo ho ne ho akarelletsa ho etsa lintho tse fapa-fapaneng le ho tšoara moqoqo o eang lolololo. Setsebi se seng sa Bibele se re: “Tsela eo batho ba linaheng tsa Bochabela ba neng ba lumelisana ka eona ha e tšoane le eo rōna re lumelisanang ka eona, ea ho ōma ka hlooho, kapa ho tšoarana ka matsoho, empa bona [ba ne] ba hakana ka makhetlo, ba ōma ka hlooho, ba bile ba itihela fatše. Sena sohle se ne se nka nako.” Ha Jesu a ne a re barutuoa ba hae ba se ke ba lumelisa ka tsela ea moetlo, ha e le hantle o ne a re: “Le baballe nako, hobane molaetsa oo le o jereng o potlakile.”b
-
-
“E-eang ’me le Etse . . . Barutuoa”‘Tloo U be Molateli oa Ka’
-
-
b Moprofeta Elisha o kile a fana ka litaelo tse tšoanang. Ha a roma mohlanka oa hae, Gehazi, lapeng la mosali e mong ea neng a shoetsoe ke mora, Elisha o ile a re: “Haeba u teana le mang kapa mang, u se ke ua mo lumelisa.” (2 Marena 4:29) O ne a lokela ho phetha thōmo ea hae ka potlako, kahoo o ne a sa lokela ho senya nako ho sa hlokahale.
-