Lentsoe la Molimo le eletsa Bakreste ba ’nete, le re: “Ka hona, le be baetsisi ba Molimo, joaloka bana ba ratoang.” (Baefese 5:1) Mantsoe ana a bontša ka tsela e khethehileng hore Molimo o tšepa barapeli ba hae. Joang? Jehova Molimo o entse motho ka setšoantšo sa Hae, ho ea ka sebōpeho sa Hae. (Genese 1:26, 27) Kahoo, Molimo o file batho litšobotsi tse tšoanang le tsa hae.a Ka lebaka leo, ha Bibele e eletsa Bakreste hore e be “baetsisi ba Molimo,” ho joalokaha eka Jehova ka boeena o re ho bona: ‘Kea le tšepa. Kea tseba hore le hoja le e-na le mefokolo, le ka khona ho tšoana le ’na ho ea bohōleng bo itseng.’