9. (a) Jesu o ne a bontša eng ha a bua ka ho thibasela? (b) Batlotsuoa ba ile ba etsa’ng ha ba utloa mohoo o reng: “Monyali ke enoa”? (Sheba naletsana.)

⁹ Baroetsana ba masene ba ne ba boetse ba itokiselitse ho fihla ha monyali hobane ba ne ba lebetse. Empa baroetsana ba leshome ba papisong eo, ba ile “ba thibasela kaofela ’me ba robala” ha ba ntse ba emetse monyali, kaha ho ne ho bonahala eka o oa lieha. Joale na ho ka etsahala hore Bakreste ba tlotsitsoeng kajeno ‘ba robale,’ ka mantsoe a mang ho be le lintho tse ba sitisang ha ba ntse ba emetse ho fihla ha Kreste? E, ho ka etsahala. Jesu o ne a tseba hore esita le motho ea ikemiselitseng le ea labalabelang ho tla ha hae a ka tepella ’me ha e-ba le lintho tse mo sitisang. Kahoo, Bakreste ba tlotsitsoeng ba tšepahalang ba sebetsa ka thata le ho feta hore ba lule ba lebetse. Ka tsela efe? Baroetsana bohle ba leshome papisong eo ba ile ba utloa mohoo o reng: “Monyali ke enoa!” Empa ke baroetsana ba masene feela ba neng ba lebetse. (Matheu 25:5, 6; 26:41) Le matsatsing ana a ho qetela, Bakreste ba tlotsitsoeng ba tšepahalang ba utloile mohoo o reng: “Monyali ke enoa!” Ba amohetse bopaki bo matla ba hore Jesu o haufi le ho tla, ’me ba letetse ho fihla ha hae.a (Sheba naletsana.) A re ke re hlahlobeng mantsoe a qetellang papisong eo ea Jesu, moo a bolelang nako e itseng e tobileng.