Jesu o itse: “Joale, le rapele ka tsela ena: ‘Ntat’a rōna ea maholimong, lebitso la hao le ke le halaletsoe. ’Muso oa hao o ke o tle. Thato ea hao e ke e etsahale lefatšeng, joalokaha e etsahala leholimong. Re fe kajeno bohobe ba rōna ba letsatsi lena; ’me u re tšoarele melato ea rōna, joalokaha le rōna re tšoaretse ba nang le melato ho rōna. U se ke ua re kenya molekong, empa u re lopolle ho ea khopo.’”—Matheu 6:9-13.

“Re fe kajeno bohobe ba rōna ba letsatsi lena.” Ha a se a buile ka lintho tse lokelang ho tla pele, e leng lebitso la Molimo le ’Muso oa hae, joale Jesu o bua ka lintho tseo re li hlokang. Mantsoe a hae a re bontša hore re lokela ho qoba ho batla lintho tse fetang tseo re li hlokang ‘letsatsing lena.’ Ho e-na le hoo, re lokela ho mamela keletso e fumanoang lengolong la Liproverbia 30:8 e reng: “U se ke ua mpha bofutsana kapa maruo. E-re ke je lijo tseo ke li behetsoeng.”