Lelapa la Hao le ka Thaba Joang?​—Karolo ea 1

Banyalani ba bacha ba na le tšepo ea hore thabo eo ba bileng le eona ka letsatsi la bona la lenyalo e tla lula e le teng. Ho ka khoneha hore ba lule ba thabile. Bakreste bao e leng khale ba nyalane le ba sebelitseng ka thata ho sebelisa keletso e tsoang ka Bibeleng baa tseba hore ntho eo ea khoneha.

1. Bibele e fa banna keletso efe?

Jehova o file monna boikarabelo ba ho ba hlooho ea lelapa. (Bala Baefese 5:​23.) Jehova o lebeletse hore monna a etse liqeto tse tla tsoela lelapa la hae molemo. Bibele e eletsa banna hore ba ‘tsoele pele ho rata basali ba bona.’ (Baefese 5:​25) Ntho ee e bolela’ng? Monna ea lerato o tšoara mosali oa hae ka mosa ha ba le ka tlung le ha ba e-na le batho ba bang. Oa mo sireletsa ebile o etsa sohle seo a ka se khonang ho mo fa lintho tseo a li hlokang e le hore a thabe. (1 Timothea 5:8) Ntho ea bohlokoa le ho feta ke hore o mo thusa hore a be le kamano e ntle le Jehova. (Matheu 4:4) Ka mohlala, o bala Bibele le ho rapela le mosali oa hae. Monna o tla lula a e-na le kamano e ntle le Jehova haeba a hlokomela mosali oa hae.​—Bala 1 Petrose 3:7.

2. Bibele e fa basali keletso efe?

Lentsoe la Molimo le re mosali “o lokela ho ba le tlhompho e tebileng ho monna oa hae.” (Baefese 5:​33) A ka etsa joalo joang? A ka nahana ka lintho tse ntle tseo monna oa hae a li etsang le hore na o sebetsa ka thata hakae ho mo hlokomela hammoho le bana ba bona. A ka boela a bontša hore oa mo hlompha ka hore a tšehetse liqeto tseo a li entseng, a bue le eena ka mosa le hore a bue hantle ka eena le haeba e se morapeli oa Jehova.

3. Banyalani ba ka etsa’ng e le hore lenyalo la bona le tšoarelle?

Ha Bibele e bua ka banyalani e re “ba babeli e tla ba nama e le ’ngoe.” (Matheu 19:5) Sena se bolela hore ba lokela ho loantša ntho e ’ngoe le e ’ngoe e ka fokolisang lerato la bona. Ba ka etsa sena ka hore ba qete nako ba le ’moho le hore ba bolellane ntho e ’ngoe le e ’ngoe ka bolokolohi. Monna kapa mosali ha aa lokela ho lumella ntho kapa motho leha e le ofe hore a tle pele ho molekane oa hae ntle le Jehova. Hape ha aa lokela ho tloaelana ho feta tekano le motho leha e le ofe.

ITHUTE LINTLHA TSE LING

4. Banna ba lokela ho rata le ho hlokomela basali ba bona

VIDEO: Banna, Ratang Basali ba Lona Joalokaha le Ithata (9:53)

• Monna a ka bontša ka litsela life hore o rata le ho khathalla mosali oa hae?

Bala Bakolose 3:​12 ebe le buisana ka potso ena:

• Monna a ka bontša makhabane aa joang lenyalong la hae?

5. Basali ba lokela ho rata le ho hlompha banna ba bona

Bibele e eletsa mosali ho hlompha monna oa hae ho sa tsotellehe hore na o sebeletsa Jehova kapa che. Bala 1 Petrose 3:​1, 2 ebe le buisana ka lipotso tsena:

• Haeba u na le molekane ea sa sebeletseng Jehova, ha ho pelaelo hore u batla hore a mo sebeletse. U nahana hore tsela e molemo ea ho mo thusa ke efe? Na ke ho lula u mo bolella hore na Bibele e re’ng kapa ke hore u be mosali ea hantle, ea mosa le ea nang le tlhompho? Ke hobane’ng ha u cho joalo?

Banyalani ba ka etsa liqeto tse ntle ba le ’moho. Leha ho le joalo, ka linako tse ling mosali a ka ’na a se ke a lumellana le monna oa hae. A ka mo bolella maikutlo a hae ka tlhompho le ka boikokobetso empa o lokela ho hopola hore Jehova o file monna oa hae boikarabelo ba ho etsa liqeto tse nepahetseng bakeng sa lelapa. O lokela ho etsa sohle seo a ka se khonang ho tšehetsa qeto eo monna oa hae a e etsang. Ha a etsa joalo o etsa hore lelapa lohle le thabe. Bala 1 Petrose 3:​3-5 ebe le buisana ka potso ena:

• Jehova o ikutloa joang ha mosali a bontša hore o hlompha monna oa hae?

6. U ka hlola mathata lenyalong la hao

VIDEO: Kamoo U ka Matlafatsang Lenyalo la Hao Kateng (5:44)

• Videong ee, ke lintho life tse bontšitseng hore banyalani bao ba ne ba se ba sa ratane joaloka pele?

• Ke lintho life tseo ba ileng ba li etsa ho matlafatsa lenyalo la bona?

Bala 1 Bakorinthe 10:​24 le Bakolose 3:​13 ebe le buisana ka potso ena:

• Ho mamela keletso ee ho ka matlafatsa lenyalo joang?

Bibele e re re lokela ho hlomphana. Ho hlompha motho ho bolela ho mo tšoara ka tsela e mosa le e mo sielang seriti. Bala Baroma 12:​10 ebe le buisana ka lipotso tsena:

• Na monna kapa mosali o lokela ho emela molekane oa hae hore a mo hlomphe pele? Ke hobane’ng ha u cho joalo?

KAKARETSO

Banyalani ba ka thaba ha ba ratana, ba hlomphana ebile ba sebelisa likeletso tse tsoang ka Bibeleng.

Re Ithutile’ng?

• Monna a ka etsa’ng e le hore ho be le thabo lenyalong la hae?

• Mosali a ka etsa’ng e le hore ho be le thabo lenyalong la hae?

• Haeba u lenyalong, ke keletso efe ea Bibele e ka u thusang hore u matlafatse lenyalo la hao?

BATLA

Ithute hore na ke lintho life tse ka u thusang hore u be le lelapa le thabileng.

Ho ka ba le Thabo Lelapeng la Hao (bukana)

Shebella video ea ’mino e bontšang litlhohonolofatso tsa ho sebelisa likeletso tsa Molimo lenyalong la hao.

Lerato le Tukang (4:​26)

Ithute hore na ho bolela’ng ho hlompha boikarabelo boo monna a nang le bona ba ho etella lelapa pele.

“Basali, ke Hobane’ng ha le Lokela ho Ikokobelletsa Bohlooho?” (Molula-Qhooa, May 15, 2010)

Banyalani ba bang ba ile ba tsosolosa lenyalo la bona joang le hoja ba ne ba se ba hlalane?

Ka Thuso ea Jehova re Tsosolositse Lenyalo la Rona (5:14)