Ayub

 2 ”Saha ieu téh nu teu percaya kana putusan Kuring

Sarta nu ngomongna teu maké pangarti?

 3 Sok siap-siap layakna lalaki.

Kuring rék nanya, manéh kudu ngajawab.

 5 Lamun nyaho, cik saha anu nangtukeun ukuran-ukuranana?

Saha anu narik tali ukuranana?

 6 Kana naon tihang-tihang anu nanggeuy bumi ditancebkeun?

Saha nu masangkeun batu juruna?

 7 Manéh di mana waktu béntang-béntang pajar sarurak bungah,

Sarta sakabéh putra Allah* nyurakkeun pupujian?

 8 Saha anu ngabendung laut ku panto-panto

Waktu caina kaluar ti jero kandungan bumi,

 9 Waktu Kuring nyimbutan laut ku méga*

Sarta ngabedong éta ku méga hideung,

10 Waktu Kuring netepkeun wawatesanana

Sarta masang palang-palang jeung panto-pantona,

11 Waktu Kuring ngomong, ’Semet dieu nya, ulah leuwih.

Ombak manéh nu tingjalegur kudu eureun di dieu’?

12 Pernah kitu manéh nitah supaya isuk-isuk geura datang

Atawa méré nyaho pajar kudu medal di mana?

13 Mémangna manéh nu nitah cahaya pajar sina indit ka tungtung-tungtung bumi

Sarta ngusir nu jarahat?

14 Waktu bray caang, bentuk bumi katingali kawas taneuh liket nu dicap,

Sagala eusina katingali jelas kawas corak kaén.

15 Tapi cahaya jalma jahat mah dirampas.

Maranéhna moal bisa nyilakakeun batur deui.

16 Pernah kitu manéh turun ka sumber laut

Atawa ngajajah samudra nu jero?

17 Pernah kitu gerbang maot diébréhkeun ka manéh?

Pernah kitu manéh ningali gerbangna tempat nu poék mongkléng?

Sarta di mana tempatna poék?

20 Bisa kitu manéh nganteur maranéhna balik ka tempatna?

Apal teu jalan ka tempat matuhna?

21 Manéh apal téh lantaran harita geus lahir

Jeung geus kolot pisan, nya?

22 Pernah kitu manéh asup ka gudangna salju

Atawa nénjo gudangna hujan és,

23 Nu geus disimpen ku Kuring pikeun mangsa kasusah

Jeung usum* perang?

24 Ti arah mana cahaya* nyebar?

Ti mana asalna angin wétan nu ngagelebug ka bumi?

25 Saha nu muka saluran-saluran cai di langit pikeun nurunkeun hujan gedé?

Saha nu nyieun pijalaneun keur angin topan jeung kilat?

26 Saha nu nurunkeun hujan ka tempat nu euweuh pendudukna,

Ka tanah gurun nu teu dicicingan ku jelema?

27 Saha nu ngabaseuhan tanah nu garing

Nepi ka jaradi jujukutan?

28 Mémangna hujan boga bapa?

Saha bapana ciibun?

29 Ari és, saha indungna?

Salju nu turun ti langit, saha nu ngajurukeunana?

30 Saha nu nyababkeun cai jadi teuas kawas batu,

Sarta beungeut laut nu jero ngajadi és?

31 Bisa kitu manéh meungkeut rasi béntang Kima*

Atawa ngaleupaskeun tali rasi béntang Késil?*

32 Bisa manéh ngabijilkeun rasi béntang* dina usumna

Atawa nungtun rasi béntang As* jeung anak-anakna?

33 Mémangna manéh nyaho hukum nu aya di langit?

Bisa kitu éta hukum* dijalankeun di bumi?

34 Bisa kitu manéh ngagorowok ka méga

Sina nurunkeun hujan gedé ka luhureun manéh?

36 Saha nu méré kabijaksanaan ka méga*

Atawa pangarti ka langit?*

37 Saha nu pinter pisan nepi ka bisa ngitung méga?

Saha nu bisa ngajungkirkeun gentong-gentong cai di langit?

38 Saha nu bisa ngarobah kekebul jadi leutak

Sarta ngahijikeun guruntulan taneuh?

39 Bisa kitu manéh mangmorokeun mamangsan keur singa

Atawa maraban anak-anakna nepi ka sareubeuh,

40 Waktu maranéhna darepa di liangna

Atawa ngadodoho mamangsan di sayangna?

41 Saha nu nyadiakeun dahareun keur gagak

Waktu anak-anakna rarécét marénta tulung ka Allah

Sarta ka ditu ka dieu lantaran euweuh dahareun?