Jabur

Nyanyikeun lagu anyar kanggo Yéhuwa,

Puji Anjeunna di antara jamaah nu satia.

 2 Mugia Israél gumbira ku sabab Gusti Nu Agung nu ngadamel manéhna,

Mugia penduduk Zion suka bungah ku lantaran Anjeunna jadi Rajana.

 3 Mugia maranéhna muji nami-Na bari igel-igelan

Sarta ngawihkeun pupujian* kanggo Anjeunna bari maén rabana jeung harpa.

 4 Yéhuwa resep ka umat-Na,

Anjeunna nyalametkeun nu lemah lembut.

 5 Mugia nu satia galumbira lantaran geus narima kamulyaan,

Mugia maranéhna sarurak gumbira di tempat saréna.

 6 Mugia biwir maranéhna ngawihkeun lagu pupujian kanggo Allah,

Mugia leungeun maranéhna nyekel pedang seukeut

 7 Supaya bisa ngabales bangsa-bangsa

Jeung ngahukum suku-suku bangsa,

 8 Supaya bisa ngaborgol raja-rajana

Jeung ngaranté para pamingpinna,

 9 Tuluy ngahukum maranéhna, sakumaha nu geus ditulis.