Jabur
43 Nun Allah, pasihan abdi kaadilan.
Béla kasus hukum abdi ngalawan bangsa nu teu satia.
Salametkeun abdi ti tukang tipu jeung jalma teu bener.
2 Gusti téh Allah abdi, bénténg abdi.
Naha Gusti ninggalkeun abdi?
Naha abdi kudu leumpang bari jeung sedih lantaran ditindes ku musuh abdi?
3 Kirimkeun cahaya sareng bebeneran Gusti.
Mugia éta ngabingbing abdi.
Mugia éta nungtun abdi ka gunung suci Gusti sareng ka tabernakel agung kagungan Gusti.
4 Abdi bakal datang ka mézbah Gusti,
Ka Allah, sumber kabagjaan abdi.
Abdi bakal muji Gusti bari maén harpa, nun Allah abdi.
5 Naha abdi téh pegat harepan kieu?
Naha abdi téh guligah?
Abdi bakal ngantosan Allah,
Abdi bakal muji Anjeunna, Allah sarta Jurusalamet abdi nu agung.