Yésaya
12 Dina waktu éta, maranéh pasti ngomong kieu,
”Abdi nganuhunkeun ka Gusti, nun Yéhuwa,
Sabab sanajan Gusti ambek ka abdi, amarah Gusti lalaunan sirna.
Gusti ngagedékeun haté abdi.
2 Allah téh Jurusalamet abdi.
Abdi bakal percaya ka Anjeunna sarta moal sieun,
Sabab Yah* Yéhuwa téh kakuatan abdi sareng nu ngajaga abdi.
Anjeunna tos nyalametkeun abdi.”
3 Maranéh bakal suka bungah waktu nimba cai
Ti cinyusu nu mawa kasalametan.
4 Dina waktu éta, maranéh bakal ngomong,
”Haturkeun nuhun ka Yéhuwa, pék sasambat ka nami-Na.
Caritakeun tindakana-Na ka bangsa-bangsa!
Béwarakeun sakumaha agung nami-Na.
5 Kawihkeun pujian ka* Yéhuwa, sabab Anjeunna tos midamel hal-hal nu hébat,
Wawarkeun ka sakuliah bumi.
6 Hé penduduk Zion, geura sarurak, sarurak sing gumbira,
Sabab Allah Israél nu Suci, nu aya di tengah-tengah maranéh, kacida agungna.”