Yésaya

20 Dina taun Tartan* diutus ku Sargon raja Asiria pikeun merangan jeung ngarebut Asdod, 2 Yéhuwa nepikeun firman-Na ka Yésaya anak Amoz, ”Geura indit, laanan kaén goni dina cangkéng sarta laanan sendal manéh.” Seug ku Yésaya dilampahkeun. Manéhna ngider bari taranjang* jeung teu disendal.

3 Sanggeus kitu Yéhuwa nyarios, ”Yésaya hamba Kuring geus ngider bari taranjang jeung teu disendal salila tilu taun. Éta téh tanda jeung ramalan keur Mesir sarta Étiopia. 4 Engké, raja Asiria bakal ngaboyong urang Mesir jeung urang Étiopia nu ditawan, boh nu geus kolot boh budak. Maranéhna bakal leumpang bari taranjang jeung teu disendal, bujurna ka mana-mana. Mesir bakal direndahkeun. 5 Jalma-jalma nu tadina miharep ka Étiopia sarta ngagulkeun Mesir bakal sarieuneun jeung aréraeun. 6 Dina waktu éta, para penduduk di sapanjang basisir bakal ngomong kieu, ’Urang ménta bantuan ka bangsa-bangsa sarta ménta disalametkeun ti raja Asiria. Tapi, tuh tempo naon nu kaalaman ku bangsa-bangsa nu diandelkeun ku urang! Ayeuna kumaha urang rék salamet?’”