Surat nu Kahiji keur Sidang Jamaah di Korintus
2 Dulur-dulur, waktu kuring datang ngawartakeun rasiah suci Allah ka aranjeun, kuring teu maké kekecapan nu laluhur+ atawa hayang némbongkeun kabijaksanaan,+ 2 sabab basa kuring bareng jeung aranjeun, kuring boga tékad teu nyaritakeun nanaon salian ti nyaritakeun Isa Al-Masih, nu geus dipaéhan dina tihang.+ 3 Harita, kuring ngarasa teu sanggup,* sieun, jeung geumpeur pisan. 4 Kuring ngomong jeung ngajar téh teu maké kekecapan nu sok dipaké ku jalma bijaksana supaya aranjeun kapincut, tapi maké kekecapan nu némbongkeun kakuatan ti kawasa suci.+ 5 Éta téh supaya aranjeun boga iman kana kawasa Allah, lain kana kabijaksanaan manusa.
6 Ayeuna, di antara jalma nu arasak rohani,+ urang kabéh ngabahas ngeunaan kabijaksanaan, tapi lain kabijaksanaan ieu dunya* atawa kabijaksanaan para pangawasana nu bakal dimusnakeun.+ 7 Nu diomongkeun ku urang kabéh téh nyaéta kabijaksanaan Allah,+ nu buni dina hiji rasiah suci, nu geus ditetepkeun ku Allah saacan ayana ieu dunya nu jahat,* demi kamulyaan urang kabéh. 8 Para pangawasa dunya* euweuh nu nyaho kana ieu kabijaksanaan,+ da lamun nyahoeun mah maranéhna moal maéhan* Juragan urang nu mulya. 9 Tapi aya ayat nu nyebutkeun kieu, ”Euweuh nu pernah ningali, euweuh nu pernah ngadéngé, euweuh ogé nu pernah ngabayangkeun hal-hal nu geus disiapkeun ku Allah keur jalma-jalma nu nyaah ka Anjeunna.”+ 10 Allah mah nyingkabkeunana ka urang kabéh+ ku jalan kawasa suci-Na,+ sabab kawasa suci nyingkabkeun sagala hal, kaasup pamikiran Allah nu jero.+
11 Saha nu bisa ngarti kana pikiran hiji jalma salian ti dirina sorangan? Nya kitu ogé, euweuh nu ngarti kana pikiran Allah, kajaba éta disingkabkeun ku kawasa suci Allah. 12 Nu ngabingbing urang téh nya kawasa suci Allah,+ lain pikiran* dunya. Ku kituna, urang bisa ngarti kana hal-hal nu dikurniakeun ku Allah ka urang. 13 Urang gé nyaritakeun ieu kabéh lain ku kekecapan nu diajarkeun ku jalma nu bijaksana,+ tapi ku kekecapan nu diajarkeun ku kawasa suci.+ Jadi, urang maké kekecapan nu diajarkeun ku Allah pikeun nerangkeun hal-hal rohani.
14 Manusa jasmani mah teu daék narima hal-hal nu disingkabkeun ku kawasa suci Allah. Éta kabéh dianggap teu asup akal jeung teu kaharti, lantaran éta kabéh kudu dipariksa ku bantuan kawasa suci. 15 Ari manusa rohani mah mariksa sagala hal,+ sarta moal aya nu bisa ngahakiman manéhna. 16 Aya ayat nu nyebutkeun, ”Saha nu ngarti kana pikiran Yéhuwa* nepi ka bisa ngajar Anjeunna?”+ Sanajan kitu, urang kabéh miboga pikiran Al-Masih.+