Yosua
12 Ieu raja-raja nu diéléhkeun ku urang Israél, nu tanahna direbut di wétaneun Walungan Yordan, ti Lebak Arnon nepi ka Gunung Hérmon jeung sakabéh daérah Araba ka arah wétan: 2 Sihon raja urang Amori, nu cicing di Hésbon. Manéhna ngawasaan Aroér, nu aya di sisi Lebak Arnon, bagian tengah lebak éta, jeung satengah Giléad nepi ka Lebak Yabok, nyaéta wates daérah urang Ammon. 3 Manéhna gé ngawasaan Araba nepi ka Situ Khinérét* ka arah wétan jeung nepi ka Laut Araba, nyaéta Laut Paéh.* Daérah manéhna gé kaasup Bét-yésyimot nepi ka suku Gunung Pisga di beulah kidul.
4 Maranéhna gé ngarebut daérahna Raja Og ti Basyan. Manéhna téh salah sahiji urang Réfaim nu nyésa, nu matuh di Astarot jeung Édréi. 5 Manéhna ngawasaan Gunung Hérmon, Saléka, jeung sakabéh Basyan, nepi ka wates daérahna urang Gésyur jeung urang Maakat, ogé satengah Giléad, nepi ka daérahna Raja Sihon ti Hésbon.
6 Éta dua raja nu geus diéléhkeun ku Musa hamba Yéhuwa jeung urang Israél. Ari tanah maranéhna ku Musa hamba Yéhuwa dibikeun ka kaom Rubén, kaom Gad, jeung satengah ti kaom Manasyé.
7 Ari nu diéléhkeun ku Yosua jeung urang Israél téh nyaéta sakabéh raja di kuloneun Walungan Yordan, ti Baal-gad di Lebak Lébanon nepi ka Gunung Halak di deukeut Séir. Tanah maranéhna ku Yosua dibikeun ka kaom-kaom Israél nurutkeun bagianana masing-masing. 8 Tanahna téh kaasup daérah pagunungan, Syéféla, Araba, lamping-lamping,* gurun keusik, jeung Négéb, nu dicicingan ku urang Hét, urang Amori, urang Kanaan, urang Périz, urang Héwi, jeung urang Yébus. Ieu raja-raja nu diéléhkeun téh:
9 Raja Yérikho, raja Ai nu aya di gigireun Bétel,
10 raja Yérusalém, raja Hébron,
11 raja Yarmut, raja Lakhis,
12 raja Églon, raja Gézér,
13 raja Débir, raja Gédér,
14 raja Horma, raja Arad,
15 raja Libna, raja Adulam,
16 raja Makéda, raja Bétel,
17 raja Tapua, raja Héfér,
18 raja Afék, raja Lassyaron,
19 raja Madon, raja Hazor,
20 raja Syimron-méron, raja Akhsyaf,
21 raja Taanakh, raja Mégido,
22 raja Kédés, raja Yoknéam di Karmél,
23 raja Dor di lamping* Dor, raja Goyim di Gilgal,
24 jeung raja Tirza. Kabéhanana aya 31 raja.