Yoshua

21 Sasa vichwa vya jamaa za upande wa baba za kabila la Lawi wakamuendea Eleazari+ kuhani, na Yoshua mwana wa Nuni, na vichwa vya jamaa za upande wa baba za makabila ya Israeli, 2 wakawaambia hivi kule Shilo+ katika inchi ya Kanaani: “Yehova aliagiza kupitia Musa kwamba tupewe miji ya kuishi ndani, pamoja na malisho kwa ajili ya mifugo yetu.”+ 3 Basi kwa agizo la Yehova, Waisraeli wakapatia Walawi miji hiyo+ na malisho katika uriti wao.+

4 Kura ya kwanza ilikuwa ya familia za Wakohati,+ na Walawi wenye walikuwa wazao wa Haruni kuhani walipewa miji kumi na tatu (13) kwa kura katika maeneo ya kabila la Yuda,+ kabila la Simeoni,+ na kabila la Benyamini.+

5 Na Wakohati wenye walibakia walipewa kwa kura miji kumi (10), kutoka katika familia za kabila la Efraimu,+ kabila la Dani, na nusu ya kabila la Manase.+

6 Na Wagershoni+ walipewa kwa kura miji kumi na tatu (13) kutoka katika familia za kabila la Isakari, kabila la Asheri, kabila la Naftali, na nusu ya kabila la Manase katika Bashani.+

7 Na Wamerari+ kulingana na familia zao walipewa miji kumi na mbili (12) kutoka katika kabila la Rubeni, kabila la Gadi, na kabila la Zabuloni.+

8 Hivyo Waisraeli wakapatia Walawi kwa kura miji hiyo na malisho yake, kama vile Yehova alikuwa ameamuru kupitia Musa.+

9 Basi kutoka katika kabila la Yuda na kabila la Simeoni, waliwapatia miji hiyo yenye kutajwa hapa kwa majina,+ 10 na miji hiyo ilipewa wana wa Haruni wa familia za Wakohati wa kabila la Lawi, kwa sababu kura ya kwanza ilikuwa yao. 11 Waliwapatia Kiriat-arba+ (Arba alikuwa baba ya Anaki), ni kusema, Hebroni,+ katika eneo lenye milima la Yuda, na malisho yake kuizunguka. 12 Lakini eneo la mashamba la muji huo na makao yake walivipatia Kalebu mwana wa Yefune kuwa uriti wake.+

13 Na wakapatia wana wa Haruni kuhani muji wa makimbilio kwa ajili ya muuaji,+ ni kusema, Hebroni+ na malisho yake, pia Libna+ na malisho yake, 14 Yatiri+ na malisho yake, Eshtemoa+ na malisho yake, 15 Holoni+ na malisho yake, Debiri+ na malisho yake, 16 Aini+ na malisho yake, Yuta+ na malisho yake, na Bet-shemeshi na malisho yake—miji kenda (9) katika maeneo ya makabila hayo mbili.

17 Na katika kabila la Benyamini: Gibeoni+ na malisho yake, Geba na malisho yake,+ 18 Anatoti+ na malisho yake, na Almoni na malisho yake—miji ine (4).

19 Miji yote yenye wazao wa Haruni, makuhani, walipewa ilikuwa miji kumi na tatu (13) pamoja na malisho yake.+

20 Na familia za Wakohati zenye zilibakia kati ya Walawi zilipewa kwa kura miji kutoka katika kabila la Efraimu. 21 Waliwapatia muji wa makimbilio kwa ajili ya muuaji,+ ni kusema, Shekemu+ na malisho yake katika eneo lenye milima la Efraimu, Gezeri+ na malisho yake, 22 Kibsaimu na malisho yake, na Bet-horoni+ na malisho yake—miji ine (4).

23 Na katika eneo la kabila la Dani: Elteke na malisho yake, Gibetoni na malisho yake, 24 Aiyaloni+ na malisho yake, Gat-rimoni na malisho yake—miji ine (4).

25 Na kutoka katika nusu ya kabila la Manase: Taanaki+ na malisho yake na Gat-rimoni na malisho yake—miji mbili.

26 Miji yote yenye familia zenye zilibakia za Wakohati zilipewa pamoja na malisho yake ilikuwa kumi (10).

27 Na Wagershoni+ wa familia za Walawi walipewa muji wa makimbilio kwa ajili ya muuaji katika eneo la nusu ya kabila la Manase, ni kusema, Golani,+ katika Bashani, na malisho yake, na Beeshtera na malisho yake—miji mbili.

28 Na kutoka katika kabila la Isakari:+ Kishioni na malisho yake, Daberati+ na malisho yake, 29 Yarmuti na malisho yake, na En-ganimu na malisho yake—miji ine (4).

30 Na katika kabila la Asheri:+ Mishali na malisho yake, Abdoni na malisho yake, 31 Helkati+ na malisho yake, na Rehobu+ na malisho yake—miji ine (4).

32 Na katika kabila la Naftali: muji wa makimbilio+ kwa ajili ya muuaji, ni kusema, Kedeshi+ kule Galilaya na malisho yake, Hamot-dori na malisho yake, na Kartani na malisho yake—miji tatu (3).

33 Miji yote ya Wagershoni kulingana na familia zao ilikuwa miji kumi na tatu (13) pamoja na malisho yake.

34 Na katika kabila la Zabuloni,+ familia za Wamerari,+ ni kusema, Walawi wenye walibakia walipewa: Yokneamu+ na malisho yake, Karta na malisho yake, 35 Dimna na malisho yake, na Nahalali+ na malisho yake—miji ine (4).

36 Na katika kabila la Rubeni: Beseri+ na malisho yake, Yahazi na malisho yake,+ 37 Kedemoti na malisho yake, na Mefaati na malisho yake—miji ine (4).

38 Na katika kabila la Gadi:+ muji wa makimbilio kwa ajili ya muuaji, ni kusema, Ramoti kule Gileadi+ na malisho yake, Mahanaimu+ na malisho yake, 39 Heshboni+ na malisho yake, Yazeri+ na malisho yake—miji yote ilikuwa ine (4).

40 Miji yote yenye Wamerari walipewa kwa kura kulingana na familia zao, ni kusema, familia zenye zilibakia za Walawi, ilikuwa miji kumi na mbili (12).

41 Miji yote yenye Walawi walipewa katika maeneo ya Waisraeli ilikuwa miji makumi ine na munane (48) na malisho yake.+ 42 Kila mumoja kati ya miji hiyo ulizungukwa pande zote na malisho yake—ni vile miji hiyo yote ilikuwa.

43 Basi Yehova akapatia Israeli inchi yote yenye aliapia mababu zao,+ wakaikamata na kukaa ndani yake.+ 44 Pia, Yehova akawapatia pumuziko pande zote, kama vile alikuwa ameapia mababu zao,+ na hakuna adui yeyote mwenye aliweza kushindana nao.+ Yehova alitia maadui wao wote katika mukono wao.+ 45 Hakuna ahadi* hata moja yenye haikutimia kati ya ahadi zote za muzuri zenye Yehova aliahidi nyumba ya Israeli; zote zilitimia.+