Xa̱bu̱ muthúún itháan e̱jñún rí májánʼ ga̱jma̱a̱ dí ra̱májánʼ. Itháan májánʼ muniu̱u̱n mundxaʼwamíjna̱ ga̱jma̱a̱ graxe̱ xóo rígi̱: “Náa numuu rí Biblia naʼthúlúʼ dí ra̱májánʼ muʼni mbá rí nakujmaa rí nagui̱i̱ wéñuʼ rá. Ndiéjunʼ eʼni matanimbaaʼ rí naʼthí náa Biblia rí mambáyaʼ má xúʼko̱ rá.” (Is. 48:17, 18.) Índo̱ mbáa ada̱ naʼthí majngúun iyááʼ, anu̱u̱ ga̱jma̱a̱ ru̱dúu̱ gíʼmaa mumbayíí mandxaʼwáminaʼ rí gáʼyoo maʼni á mu nandoo maʼni rígi̱ rí gíʼdoo wéñuʼ numuu. Xú káʼnii eʼyoo xá. Ndiéjunʼ gámbáyúu xá. Ga̱jma̱a̱ xkujndu rá. Ndíjkha jngó itháan májánʼ nindxu̱u̱ rí gambáyúu ki xóo xkujndu xá. (Mar. 10:29, 30.) Gíʼdoo wéñuʼ numuu rí ada̱ mandxaʼwáminaʼ rígi̱ nákha xóó tséjngúun iyááʼ. Á mu anu̱u̱ ga̱jma̱a̱ ru̱dúu̱ numbayíí mandxaʼwáminaʼ ndiéjunʼ rí gámbáyúu á mu naʼnimbo̱o̱ ga̱jma̱a̱ ndiéjunʼ gágíʼnuu á mu tséʼnimbo̱o̱, xúʼko̱ mbaʼyoo rí itháan májánʼ maʼnimbo̱o̱ má xúʼko̱ rí naʼthí náa Biblia. w17.12 21 kutriga̱ 14, 15

Mbaʼánʼ rí ikháanʼ kuaʼdáá wéñuʼ nandii rí gakhi̱i̱. Tikuáanʼ rí ikháanʼ kuwáanʼ ruñewu̱u̱n ana̱la, maski ajndu mangáanʼ guaniáanʼ. Tikhun kuwa ruñajunʼ wéñuʼ mu mumbañún bi̱ kuwa náa guʼwún rí nda̱ñúnʼ raʼkháa rí maguaʼdáá wéñuʼ. Ga̱jma̱a̱ nduʼyáá rí mbaʼin na̱nguá eraʼníí mbóó xkujndu, nuraʼníí mbaʼa. Á mu Dios naxmiéjunʼ kaʼyoo rí niʼni, ndiéjunʼ ku̱mu̱u̱ ikhaa ga̱jma̱a̱ numaʼ, rí natani ñajunʼ numuu rí nandaʼ xtayáá, raʼkháa numuu rí ikhaa niʼníín mu matani xúʼko̱ rá. (Sal. 19:1, 3, 14.) Anu̱lú bi̱ nandoo kaʼyulú naniníínʼ májánʼ. Jesús niʼthí: “Asjndo tsun idxaʼla kixnu mba xugui” (Mat. 10:30). Ga̱jma̱a̱ mbáa bi̱ niʼnirámáʼ salmos niʼthí: “Jeobá ndaʼyoo xúgíʼ rí eraʼníí bi̱ nda̱a̱ rí ekieʼkhun” (Sal. 37:18). Xóo muʼthá, naninuʼ tsáʼkhá rí xtaa ratraʼníí ga̱jma̱a̱ ma̱ndoo maxnáʼ tsiakii mu maʼngaaʼ matraʼníí xúgíʼ. w18.01 7 kutriga̱ 1; 8 kutriga̱ 4

Numuu rí Pedro nikuxi̱i̱ Tabita “mapumba’in xabo nijumu juya Señor”. Discípulos nuxunʼ bugi̱ ma̱ndoo muthi ga̱jma̱a̱ numuu Señor Jesús ga̱jma̱a̱ tsiakii rí gíʼdoo Jeobá mu maʼnigabi̱ín bi̱ nikháñun (Hech. 9:36-42). Mbaʼin xa̱bu̱ ndiyáá xú káʼnii nigabi̱i̱ imba̱a̱ xa̱bu̱. Mbóo mbiʼi, apóstol Pablo xtáa raxná mbá discurso asndu tikhu mbruʼun náa mbá guʼwá dí rígá náa Troas, rí xúgi̱ gíʼ náa noroeste ndrígóo Turquía. Eutico, mbáa dxámá gíʼ raʼdxaun náa ventana, ga̱jma̱a̱ niʼgu ikhú nijpátriguíi asndu náa ragajtsú piso. Bi̱ ni̱jkha̱nú ginii ninindxu̱u̱ Lucas, bi̱ ñajunʼ médico. Ikhaa táʼthi rí dxámá nánguá ku̱mu̱u̱, niʼthí rí nikháñu. Pablo nigajtaa náa escalera, ga̱jma̱a̱ ndiyáraʼaa dxámá ga̱jma̱a̱ niʼthún xúgínʼ rí Eutico ndaʼya. Milagro rúʼko̱ niʼniún tsiánguá bi̱ ndiyáá. Nixnúún wéñuʼ tsiakii índo̱ ndiyáá rí nigabi̱i̱ mbáa (Hech. 20:7-12). w17.12 5 kutriga̱ 10, 11