Kepupokisi Kesi Satan​—Anyoika Apotu Kotakanutu?

Mam Adam ka Keba kapotu korimasi Edeke, apotu do kotwakata. Ageun 3:6, 23

Kopupok Keba nu abala emun kosodi ainyam araito. Akaulo kagin, abu kijaik Adam da ainyam.

Nu apotu kesi kiswamata araasi nu arokok​—arai adiakar. Abu Edeke kirengia kesi ore loka Paradais.

Ationo aijar kec keda idwe. Apotu komojongata kosote atwakere. Mam kopotu kolototo akuj kwape imoyon, abu aijar kec konag.

Eraasi lukatwak luemamei aijar kwape apua. Ageun 3:19

Oni kere itwaki naarai ilomunit kanejai Adam ka Keba. Lukatwak mam iteete, karaida aipup, karaida aswam idiobore kere.​—Ekalimonokinan 9:5, 10.

Mam Yawe apeleikinit itunga atwakere. Katipet ebuni Yawe aitajarun ngun kere luejotoete kokatwak. Arai kepupokisi ngesi, epote aijar ikar kere.