Epone Ani Epedoria Atwanare Naka Yesu Alakun Oni?

Irai oni ikadiakanarak, kiticanitoi, ido kitwaki naarai apotu Adam keda Keba kipaliikisi Edeke.a Konye mam oni irai luemamei amun. Kitwasamai Yesu Kristo, Okokuke, ainaki Yawe oni epone loilakunor kotoma okenit loka adiakar keda atwanare. Isisianakini Ebaibuli ebe kotoma atwanareke, abu Yesu koinak alucet. Erai alucet etiai loetacio kanu alakun itunganan. Etiai loabu Yesu kotac nges aijarake nakadoliton. (Kosiom Matayo 20:28.) Kwape araar Yesu etunganan lokadoliton, ajaatar ngesi karereng naka aijar ikar kere kotoma akwap, konye abu kocam aipal akeijar kanuwok tetere oni idumuni nuapotu Adam ka Keba kotwakiasi. Abu bobo Yesu kitodu ebe ngesi keda Yawe eminasi oni noi. Ingarakini aisisiaet na ijo aiyatakin aitodun aisiyalamikinet kanuka atwanare naka Yesu.

1. Epone ani imedaunia oni lolo kotoma atwanare naka Yesu?

Kwape iraar oni ikadiakanarak, oni kere iswamai iboro lumam isiyalamikinitos Yawe. Konye arai kitodu oni aitoronikin nakabeit, kasodete ailip Yawe aisioni oni kokiror loka Yesu Kristo, ido arai kiswama oni nuipedori kere mam abongokin adiakanareta ngun, ipedori oni alelakin eidicane loejok noi keda Edeke. (1 Yokana 2:1) Ebala Ebaibuli ebe: “Naarai Kristo da aponi kisiriebai kanuka adiakanar irwan atipet, lokadolit kanuka lumam edolito, tetere kiyauni mama ejai Edeke.”​—1 Petero 3:18.

2. Epone ani ingarakinia atwanare naka Yesu oni koingaren?

Abu Yawe kijuk Yesu ainakin akeijar naadolit “tetere nginitunganan yeniyuuni nges [Yesu] kinye aolior, konye kojaas kaijar naka ikar kere.” (Yokana 3:16) Kanu naarai abu Yesu kiswama ngun, katipet elemari Yawe iboro kere luarokok luabu Adam koyau kanu epalike. Apolouke ebe arai kibwaik oni aiyuun toma alucet naka Yesu, idumuni oni arereng naka alelakin aijar ikar kere koParadais kakwap!​—Isaia 65:21-23.

KISISIAU NUIPU

3. Elakuni atwanare naka Yesu oni kotoma adiakar ka atwanare

EBIDIO: Kanuinyo Atwania Yesu?​—Atutubet Na 1 (2:01)

• Ani arereng naabu Adam kotwania naepalikinia ngesi Edeke?

Kosiom Iromayon 5:12, kosodete aimor aingiset nata:

• Anyoika bo nuatakanikisi ijo kanuka adiakar naka Adam?

Kosiom Yokana 3:16, kosodete aimor aingiset nata:

• Kanuinyo ejukunia Yawe Okokuke toma akwap?

1. Arai Adam etunganan lokadoliton loabu kipaliik Edeke ido kanuka adiakarike, apotu itunga kere koraunos ikadiakanarak ido etwakete da

2. Erai Yesu etunganan loadolit loabu korimaa Edeke ido kanuangun, angaa ngesi erot loepedoriata itunga araun luedolito kosodete aijar ikar kere

4. Epedorete itunga kere aimedaun kotoma atwanare naka Yesu

EBIDIO: Kanuinyo Atwania Yesu?​—Atutubet Na 2 (2:00)

• Epone ani epedoriata itunga kere aimedaun kotoma atwanare naka ediopetunganan?

Kosiom 1 Timoteo 2:5, 6, kosodete aimor aingiset nata:

• Arai Adam etunganan lokadoliton konye kanuka adiakarike abu kibwaik itunga kere orot loka adiakar ka atwanare. Arai Yesu da etunganan loadolit kwape araar Adam. Epone ani abu Yesu koinakinia alucet naibecokina?

5. Erai alucet ainakinet naijaikinit Yawe ijo

Eyaitos ipapero luka Yawe alucet kwape ainakinet naijaikinit Yawe kes. Kwape aanyunet, kosiom Igalatian 2:20, kosodete aimor aingiset nata:

• Epone ani abu ekiyakia Paul kitodunia ebe eyait ngesi alucet kwape ainakinet naijaikinit Edeke nges?

Naadiakaria Adam, aponi kotubokinai ngesi ka aurike kere atwanare. Konye abu Yawe kijuk Okokuke atwanare kanu ainakin ijo arereng naka aijar ikar kere.

Naisiomia ijo ikokoron lu, koomoom epone loabu Yawe kopupio naeticanere Okokuke. Kosiom Yokana 19:1-7, 16-18, kosodete aimor aingiset nata:

• Epone ani ipupia jo kanu eswamakisi Yawe ka Yesu ijo?

NUIDAU AISISIAUN

Isipedorit atwanare naka Yesu oni adumun aisionio naka adiakanaretawok kaneejai Yawe ka adumun arereng naka aijar ikar kere.

Ainyogoor

• Kanuinyo atwania Yesu?

• Epone ani abu aijar naka Yesu naedolit koraunor alucet naibecokina?

• Epone ani ipedoria ijo aimedaun kotoma atwanare naka Yesu?

ISISIAU BOBO NUTA

Kisisiau kanuinyo enyaritere aijar naka Yesu naedolit kwape alucet.

“Epone Ani Elakunia Alucet Naka Yesu Itunga Luipu?” (Aisisiaet naka olago)

Kisisiau nuibusakinit oni aswam kanu adumun aitajario.

“Epone Ani Elakunia Yesu?” (Aisisiaet naka olago)

Isioniei kereka Yawe adiakanareta nueroko noi?

“Aingiseta Nuebongokinit Ebaibuli” (Watchtower, Elap Loikanyet 1, 2013)

Koany epone loabu aisisia nuikamunitos atwanare naka Yesu ingarakinia etunganan aijulakin iponesioke

“Mam Bobo Eong Arai Ebulesit Loka Amumu” (Aisisiaet naka olago)