Kopodokinite Luce

Apodokinite luce nges jo apedor amisiikin aomisio, epone loepupioto, iboro lueyaitos kesi kwape luepolok, keda ipudesiakec. Epatanikinit itunga ajenun ebe ipodokinit oni kes. Arai cut ikoto oni aingarakin luce, einakini ngin oni araut luipodokinit kes. Apodokinit luce kotoma alimonokin, einakini oni aitodun amin naka Yawe, ido iriuni ngin kes mamakeng.​—Pil 2:4.

Apodokinit luce mam erai epone loka aisisianakin bon. Itoduni oni apodokinit, kopone loipupokinitor oni ka loinerar oni, aimoriarit iponesiowok, epone loiyiligia oni akanin keda epone loejaar ereetewok. Itoduni oni apodokinit kopone loka aisingarenit nukaluce. Ekoto oni apodokinit nueminakinitos itunganan, aiyuununetake keda ejauteneke. Ipedori oni alimokin nges nuibusakinit aswam arai bo nat aingarakin nges konye mere abuikin nges aiswamaun aijulanakineta. Ecamutu itunga oni aingarakin kes kotoma alimonokin, iyatakin aiyalamawok.

KOSESENATA EBIDIO KODUM AIYALAMA KOTOMA AITULUOR ITUNGA IKESISIAK​—ITOJOKA ALIMONOKINIKON—​KOPODOKINITE LUCE, KOSODETE ABONGONOKIN AINGISETA NUTA:

• 

  Naeyapia Jade, epone bo ani abu Neeta itodunia apodokinit?

• 

  Neatemaria Jade ebe mam nges epodori aisisia naarai epasit nges, epone bo ani abu Neeta itodunia apodokinit?

• 

  Epone bo ani abu Neeta itodunia apodokinit neatemaria Jade ebe ekalanyana ngesi ainapanakin iboro?