AISISIAET NA 11

Einer Komwana

Aswamisio 18:24, 25

NUIBUSAKINIT IJO ASWAM: Kodunyakinite aisisianakin ikapupokokon komwana.

Kogee ber amisiikin akiro nuebeit ijo aisisianakin. Naitemonokinia ijo einerikon, koomoom noi nuikamunitos ajokis naka akiro nuebeit ijo einer. Komisiik ber jokan akiro nuebeit ijo einer tetere ipedori aitetem kwape imisiikinitor ijo kotaukon.
Koomoom nuikamunitos itunga luebeit apupokin ekoniiner. Koomoom epone loebeitor luce aimedaun kotoma akiro nuisiomi ijo arai nuisisianakini ijo. Kojen epone loipedoria ijo ainakin einer loepedori aiyatakin aijen naka ikapupokokon tetere elelakinete einerikon.
Mam ekoto einerikon korai loejoniarit. Kiner komwana. Kitacau nu kopone loka aiyilig akonikanin keda epone loejaar ereetekon kanu aitodun epone loipupia jo.

Mam imeet aiyilig akanin epone ediope toni neijaikinia itunga anaikin ebe erai ngon epone loetapitor jo aisisianakinia. Kiner kitodunite amwanis neisisianakinia akiro nuepolok keda neisinyikonokinia jo ikapupokokon aipikakin akirokon toma aswamisioit. Mam iinakini ikapupokokon aipas kopone loainyikokinit einer kamwanis naepol.