Ityough 7

Kwagh u Ngise er u Á Hingir Icintan La

Yehova una de ér mbaaferev ve̱ vihi Paradiso ga. Ka azende a na tseegh aa lu ker ye. Kanyi ia e̱r ior mbaafereve? U zuan a mlumun sha mpin ne yô, time ase sha kwagh u Noa u yange er mimi mimi la. Shighe u Noa lu uma la anyom kar hegen udubu imôngo. Yange lu or u mimi u yange a nôngo tsung u̱ eren ishima i Yehova yô. Kpa ior mbagenev mba ve lu̱ sha tar cii lu mba eren akaabo. Tsô Yehova kaa a Noa ér Un ngu van a mngerem ma deemee sha u timin aferaior la cii. A kaa a Noa ér a̱ gba tso sha e̱r zum u Mngerem ma Deemee mara ma a va yô, un vea ya na cii vea kpe ga yô.—Genese 6:9-18.

Noa gba tso vea tsombor na. Noa yange ta ior icin ér Mngerem ma Deemee ma van, kpa ve ungwa un her ga. Ve za hemen u eren akaabo. Noa gbe tso been kera yô, a nyôr a uzendenya ke’ tso, shi un vea tsombor na kpa ve nyôr kimi. Tsô Yehova maa va a ijeverahumbe. Ura tsa nôôn kaka ayange 40, atetan kua tugh kpaa. Mngerem iv sha tar cii hingir dééméé.—Genese 7:7-12.

Mbaaferev mbara cii kpe, kpa Noa man tsombor na yô, ve war. Yehova kura Noa zan zan a kar waren Mngerem ma Deemee mara nyôron ke’ tar u aferakaa kera lu ke’ ú ga yô. (Genese 7:22, 23) Bibilo kaa ér shighe shi ngu van u Yehova una tim mba ve vende u eren kwagh u a lu u vough la cii yô. Kpa ior mba mimi yô a tim ve ga. Vea lu uma gbem sha won ke’ Paradiso shin tar.—2 Peteru 2:5, 6, 9.

Ior kpishi mba eren akaabo nyian. Tar iv a kwaghbo. Yehova ka a tindi Mbashiada nav hanma shighe ér ve̱ za ta ior icin, nahan kpa ior kpishi soo u ungwan mkaanem ma Yehova ga. Ve soo u sôron igbenda ve ga. Ve soo u lumun a kwagh u Aôndo a kaa ér ka u shami shin ka u shami ga la ga. Kanyi ia er ior mbana? Yange sev mbua av yô vea gema asema shinii? Mbagenev kpishi vea gema mayange ga. Shighe ngu van u a va tim mbaaferev, vea kera lu uma mayange ga yô.—Pasalmi 92:7.

Mba timin tareghnyaagh ga; kpa a gema ú ua hingir paradiso. Mba vea hingir azende a Aôndo la vea lu uma gbem sha won ke’ Paradiso shin tar.—Pasalmi 37:29.