ITYOUGH 01
Bibilo ia Wase U Nena?
Se cii ka i sar se u fan kwagh u uma wase man mlu wase u ken hemen, man er i hii ve se lu yan ican shi se lu kpen yô. Shi ka i sar se u ma se zough a iwasen i nôngon a mbamzeyol asev, er kwagh u se er ve a saan tsombor wase iyol, man er se zua a inyaregh ki kuren mbamgbe asev nahan. Ior kpishi nenge ér Bibilo ka i wase ve u zuan a iwanger sha akaa a vesen a a tsum ve la tseegh tsô ga, kpa ngi a akaawan a wasen ve sha akaa a ve eren ayange ayange la kpaa. U nenge ase er Bibilo ia fatyô u wasen hanma or kpa?
1. Ka mbampin mba nyi nahan Bibilo i ne mlumun sha mini?
Bibilo na mlumun sha mbampin mba vesen, er mban nahan: Uma yange hii nena? Ityôkyaa i se lu uma jim yô ka nyi? Er nan ve ior ve lu yan icana? Or ka nana kpe nahan, nan yem hana? Aluer hanma or soo bem yô, er nan ve ityav mbi ngee sha tar nahana? Ka nyi ia va er tar u se lu shimi ne ken hemene? Bibilo taver se ishima ér se ker mlumun sha mbampin mban, man ior umiliôn imôngo nenge ér mbamlumun mba Bibilo i ne la ka mba mimi.
2. Bibilo ia na a saan se iyol ken akaa a se eren ayange ayange la nena?
Bibilo ka i ôr se kwagh u una wase se yô. Ikyav i tesen yô, ka i tese icombor akaa a ia eren ve a saan hanma or iyol hen tsombor sha mimi yô. Shi ka i tese se akaa a se eren ve ishima ia kera nyian se ga, man er se eren tom ve a saan se iyol yô. Er se lu timen ken ngeren ne imôngo yô, u fa kwagh u Bibilo i tese sha akaa ne la, kua akaa agen kpishi. Nahan u nenge er ‘Ruamabera jimin cii [ka hanma kwagh ken Bibilo je la] a lu a inja’ yô.—2 Timoteu 3:16.
Takeda ne kar tile sha ityough ki Bibilo ga. Kpa, ngu taver we ishima ér u timen ken Bibilo iyol you. Sha nahan yô, se mba kaan a we ser hanma ityough ki takeda ne ki u lu henen yô, ôron avur a Bibilo a i nger ken ki la cii, tôôn kwagh u avur shon a ôr la karen sha kwagh u u lu henen la.
HEN KWAGH I ZA SHIMI
Hen sha gbenda u Bibilo i lu wasen ior la, man er u er ve a doo u u ôron i̱ la, kua er i hii ve i doo u u ker wer i wase u u kav i yô.
3. Bibilo ka i tese se kwagh u se er yô
Bibilo ngi inja er ka iwanger i tôôci u a wanger kpishi nahan. Se fatyô u zuan a kwaghwan ken Bibilo, u una wase se u tsuan akaa a se soo u eren la sha inja yô. Shi Bibilo ia wase se u fan kwagh u una va er ken hemen kpaa.
Ôr Pasalmi 119:105, nahan lam nen sha mbampin mban:
Or u a nger pasalmi ne la yange nenge Bibilo nena?
We u nenge Bibilo nena?
4. Bibilo ka i na mlumun sha mbampin asev
Kwase ugen kaa ér Bibilo na un mlumun sha mbampin mba vesen, mba yange un zer henen sha mi anyom imôngo yô. Nenge VIDIO i i lu heen ne, maa lam nen sha mbampin mba ve dondo ne.
Ken vidio la, ka akaa a nyi nahan yange tsume kwase laa?
Yange hen Bibilo nahan, i wase un nena?
Bibilo taver se ishima ér se pinen mbampin. Ôr Mateu 7:7, maa lam nen sha mpin u a dondo ne:
Ka akaa a nyi nahan a tsume u, a Bibilo ia fatyô u tan we iwanger sha mini?
5. A doo u u ôron Bibilo
Ior kpishi ka i doo ve u ôron Bibilo shi kwagh la ngu wasen ve kpaa. Nenge VIDIO i i lu heen ne, maa lam nen sha mbampin mba ve dondo ne.
Ken vidio la, agumaior nenge kwagh u ôron takeda la nena?
Er ve soon u ôron takeda ga nahan kpa, Bibilo yô ka ve soo u ôron sha ci u nyi?
Bibilo kaa ér, kwaghwan u i lu a mi la una sur se ishima shi una na se ishimaverenkeghen. Ôr Mbaroma 15:4, maa lam nen sha mpin ne:
Kwagh u Bibilo i tende zwa ér ia sur se ishima shi ia na se ishimaverenkeghen la doo u wee?
6. Mbagenev vea fatyô u wasen se sha er se fa Bibilo yô
Ior kpishi mba ôron Bibilo ayol a ve, shi ve nenge ér ka vea time ker vea mbagenev imôngo yô, kwagh la a wase ve. Ôr Aerenakaa 8:26-31, maa lam nen sha mpin ne:
Se er nan ve se kav kwagh u Bibilo i ôro?—Nenge ivur 30 man 31.
Yange gba u a wase Oretiopia ugen ve una kav kwagh u lu ôron ken Ruamabera la ye. Ior kpishi nyian nenge ér ka a timen ken Bibilo a ve yô, i wase ve u kaven i
IOR MBAGENEV KA VE KAA ÉR: “U henen Bibilo la ka shighe u vihin.”
We u kaa wer nyi? U ôr nahan sha ci u nyi?
KA NYI U HENE?
Bibilo ka i ôr kwagh u una wase se sha akaa a se eren ayange ayange la yô, shi i̱ ne mbamlumun sha mbampin asev mba hange hange, shi ka i̱ ôr kwagh u surun ior ishima shi nan ve ishimaverenkeghen.
Mbampin mba umbur kwagh u i hen yô
Ka kwaghwan u nyi se fatyô u zuan a mi ken Bibilo?
Ka mbampin mba nyi nahan Bibilo i ne mlumun sha mini?
Ka nyi u soo u henen ken Bibilo?
SEER HENEN KWAGH
Bibilo ngi a kwaghwan u injaa u una fatyô u wasen se nyian yô.
“Atesen a Bibilo, Ka Kwaghfan u a Ye Tsegh Ga Yô” (Iyoukura Namba 1 2018)
Nenge er Bibilo i wase orgen u ngise hii u yan ican ken ishima shighe u lu iyev la je yô.
Time sha kwaghwan u Bibilo i lu a mi sha ci u tsombor yô.
“Saan Icombor Igen Iyol sha Ci u Atôakyaa 12 Ne” (Awake! Namba 2 2018)
Ior kpishi fa or u nan hemen tar ne jighilii ga, kpa nenge er Bibilo i te iwanger sha kwagh shon wang yô.