De Se Ta a Ta Aningir Ga!
1 Ior mbagenev kpishi ainge mbá we ishima ga. Ve soo u fan ior mba se lu la man er i hii ve se ve he’ ijiir ve yô. Zum u ka vea faan ér ityôkyaa i se ze ve inya la, ka u ôron kwagh u Bibilo yô, alaghga vea kera kegh ato ga. Ior kpishi ka Bibilo i ôron man u ôron akaa a ke’ jijingi la i lu kwagh u gban ve ishima ga. Se er nena ve se ôr ambaaior la kwagh una kuma ve vea wa ishima miniti kpuaa vea ôr kwagh ke’ Bibilo vea vese?
2 Kwagh u á Hembe Wasen Yô: Tamen kwagh u a lu yô, ka u tesen orya la sha u nana̱ fa ér Bibilo ngi a igbenda i wasen u been a mbamzeyol mba nan, shi nana̱ fa ér ci u nan kpa ngu ker, nahan kpa se ôr kwagh la gôgô ga. Igbenda i pasen kwagh i hemban doon yô, ka i ka i pine mpin jighilii sha er orya la naná hen ke’ ishima la, a been yô, i ôr ivur i ruamabera i i ne mlumun sha mpin shon la. Alaghga a doo ú u karen mbamhen mba i dugh a mi heen ne nengen. I due a ve sha u wasen we sha u ú ta a ta aningir ga kpa ú gema ú kéndè isharen i orya la fese yô.
3 Hen haregh u ior ve shi kaan ér kwagh gba ve sha kwagh la ga yô, pine mpin u̱ una fiir ve ayol a ve ker yô:
◼ “er se nangem a dubuanyom u̱ dondon ne yô, ú ngu veren ishima wer kwagh ngu va doon shin kwagh ngu va vihini? [Tamber nana̱ wa zwa.] Bibilo tsengaôron mgbughur u tar ú gbughur se nengen a mi nyian ne kua kwagh u̱ una va due ker la kpaa.” Ôr 2 Timoteu 3:1, 2, 5 man Anzaakaa 2:21, 22.
◼ “Kwagh gba ior mba ke’ kpentar wase ne a kwagh u mkpeyol ve kpishi. Ú fa er Aôndo a er ityendezwa ér una va sôr mbamzeyol mba uange vea bee kera gbem sha won kpa?” Ôr Mpase 21:3, 4.
◼ “Ú hen wer aluer hanma or u nan lu heen cii nan ngù eren sha atindi a Bibilo nahan, ityô yase ia zua a mtsera inja nena?” Ôr Mateu 22:37-39.
4 E̱r tom u i ne se ne̱ í lu u̱ pasen loho u dedoo u Tartor yô, hen ape i gbe i doo cii, se na ior ve̱ fa kwagh u Tartor la ua va e̱r yô. Ú fatyô u kaan wer:
◼ “Ú vande fan wer, Bibilo, takerada ú u hembe tsan sha tar cii la tsengakaan ér gomoti ngu va lun môm sha tar cii kpa?” Ôr Daniel 2:44.
◼ “Aluer Yesu Kristu una tema tor sha tar ne nahan ú hen wer akaa aa lu nena?” Ôr Pasalmi 72:7, 8.
5 Hen haregh u ior mba her ve lu mbakwaghaôndo yô, ú fatyô u karen gbenda u hiin kwaghôron u̱ ngun nengen:
◼ “Mbá nyaghen ior mbagenev kpishi sha ci u nongo ve shin kwaghaôndo shin zwa ve shin mlu u kwavyolough ve la. Ú hen wer Aôndo nenge imba msange u sangen a sange ne nena?” Ôr Aerenakaa 10:34, 35.
◼ “Se fa ser Yesu Kristu yange er uivande kpishi sha ayange na la. Aluer ka u̱ ú fatyô u sônon un wer a̱ seer eren ivande igenegh nahan, ka nyi ú kaa wer a̱ ere?” Ôr Pasalmi 72:12-14, 16.
6 Aluer uwer gba orya la u bughun hunda yô, alaghga ú hii kwaghôron nahan wer:
◼ “Ior kpishi nyian vôr u zeren ungwan kwagh u mbamzeyol. Ve soo u ungwan er a sôr mbamzeyol mba shon yô. M fa we kpa kape í lúgh je la. Kpa ka hana se fatyô u zuan a mbampever mba mimi sha mbamzeyol aseve?” Tamber nana̱ wa zwa. Ôr 2 Timoteu 3:16, 17.
7 E̱r nan Ú Kar Kwagh la Ga? Ashighe kpishi u pinen mpin zevela, shi pinen un jighilii la tseegh kpa ka a nder isharen i orya la. Kwase ugen u ngise hendan a mimi yô, lôhô anmgbianev mbakasev he’ ya na zum u môm ken ave pine un mpin ne yô, ér: “Ú fatyô u tesen uwegh sha Tartor shon u ka ú sôn ke’ Msen u Ter la kpa?” Mpin la yange doo kwase la kpishi, nahan a lumun ér i hen Bibilo a na. Hegen a tsegha iyol na sha u civir Yehova!
8 Zum u ú lu lamen a orya yô, mkaanem ou mà lu ma mimi. Kwagh u ú lu ôron la a̱ due ke’ ishima you. Ior vea hemba wongor fese aluer ve fa ér mimi je kwagh ve gba se ishima yô.—Aer. 2:46, 47.
9 Tom u pasen loho u dedoo la taver nyian tsô. Mbayaav mbagenev ishima ka i wanger ve kimi a mbavannya ga. Mbagenev ngee a ityom kpishi je yô shighe yen ve a yina. Nahan cii kpa, se fa je ser ior mba injaav shi her kpishi mba a ker a zua a ve yô. (Mat. 10:11) Iniôngon yase i se nôngon u keren ve la ia hemba van a mtsera aluer kwaghôron wase ngu zevela shi se ta a ta aningir ga yô!