Tar ‘Mena Ifi la Kera’

Yiase tese er mbautahav mba ken tar ne wase ior mba Yehova sha ashie kposo kposo yô. (Ese 6:1-12; Es 8:10-13) Sha ashighe a ase ne je kpa, se nenge er “tar” ne, inja na yô, ka avegher a u a nga a hemba eren kwagh a vese doo doo je la, mena “ifi” la, inja na yô, ka mtev u sha ican,” u Satan Diabolo, u a lu “darakon” la, a ve a mi sha a vese la je la. (Mp 12:16) Ashie agen Yehova, u a lu “Aôndo u yiman” a yima la, una fatyô u mgbeghan mbahemenev mba uumace vea va ior nav a mpeveryol.—Ps 68:20; Anz 21:1.

Kpa, aluer i wuhe u ken purusu sha ci u jighjigh wou di ye? Mayange de te akpelan wer Yehova ngu kuran we ga ze. (Ge 39:21-23; Ps 105:17-20) Fa wer u va zua a injar sha jighjigh wou u nan la, shi er u til sha mimi yô, kwagh ne ngu taver anmgbianev ou tar sha won cii ishima.—Fil 1:12-14; Mp 2:10.

NENGE VIDIO I I DUGH ANMGBIANEV MBA KEN TAR U KOREA KEN PURUSU KERA LA, MAA NA MLUMUN SHA MBAMPIN MBA VE DONDO NE:

• Yange i wuhe anmgbianev asev udubu imôngo ken tar u South Korea ken anyom a karen ne sha ci u nyi?

• Ka ijir i nyi yange i kure, nahan hingir u a dugh anmgbianev asev mbagen ken purusu cii man shighe u i ver laa?

• Se fatyô u wasen anmgbianev asev, mba ve lu ken purusu ajiir kposo kposo tar sha won cii, sha ci u jighjigh ve la nena?

• Gba u se er tom a ian i se lu a mi hegen i eren kwagh sha ishima yase la nena?

• Ka an jighilii nan lu suen se ken ijime ve ka se fatyô u hemban ajir ken koti?