U Fatyô u Henen Nyi ken Atsam a Ase Agen Laa?

Ka atsam a ase agen a han a hembe doon we? Man ka sha ci u nyi? U nenge er kwagh u ka i tese ken uvidio mba atsam a ase agen la, ka a tese akaa a ken uma wase u ayange ayange kpa? Er atsam ne ka a lu a atineakaa kposo kposo shi ka i kuhwa ityogholough sha igbenda kposo kposo ker yô, tese ér nga sha ci u hanma or. Nahan kpa, atsam a ase agen ne man uvidio mba atsam a ase la, mba sha ci u nan se msaanyol tseegh tsô ga.

Hanma icam ken atsam a ase agen ne yô, ngi i tese se akaa a injaa a se fatyô u eren tom a mi ken uma wase u Mbakristu man tom wase la yô. Atsam ne agen nga a ver ishima sha kwagh u eren a ior dedoo shin lun ken mzough shin kôron azende shin lun a ishimataver shin tesen dooshima gayô lun a jighjigh u nan. Agen di nga a ôron kwagh u hiden hen Yehova shi den or a kwaghbo shi tilen sha mimi ayange ayange shi tsuan akaa a ken jijingi a se er yô. Shi i er icam igen sha kwagh u gbenda u se eren tom a uhanseeti asev akuma akuma je kpaa. Ka akaa a injaa agen a nyi u zough a mi ken atsam a ase agen nee?

NENGE VIDIO I IYANGE LA NGI IKYUA SHA HUNDA, I I LU KEN ATSAM A ASE AGEN LA, MAA NA MLUMUN SHA MBAMPIN MBA VE DONDO NE:

• Ka averen a ken hemen a nyi, nom man kwase mba ve bee iyol la ve lu henen sha mini?—Ge 12:3

• Se taver jighjigh u se ne ser Yehova ngu a tahav mbu kuren uityendezwa nav la nena?

• Ka akaa a saan iyol a nyi, ica a gba ga tsô aa ere?

• Ishimaverenkeghen i sha kwagh u Tartor la, ka i wase se u wan ishima a atsan a se lu tagher a mi hegen ne la nena?—Ro 8:25