Kporom hen Aôndo sha u Eren Msen hen a Na

U Fatyô u Lun Uma Gbem sha Won shi a Saan We Iyol!—Nenge Kwagh u Bibilo i Ôr Yô.
- 1. Gba u se eren msen hen ana, man ka atôakaa a nyi nahan se fatyô u eren msen sha mini?
  
  Yesu tese se ér ka hen Ter wase u sha la tseegh i gbe u se eren msen ye. Yesu iyol na yange eren msen hen Yehova. A tese ér: “Gba keng u ne eren msen sha gbenda ne nahan: ‘Ter wase u sha . . . ’ ” (Mateu 6:9) Ka sea eren msen hen Yehova yô, se hemba lun vea na kangenaa.
  
  Se fatyô u eren msen sha hanma zayol wase cii. Nahan kpa, cii man Aôndo a ungwa msen wase yô, saa kwagh u se er msen sha mi la a lu u sha ishima na. “Nyityôkwagh i se sôn Aôndo man i lu i sha ishima na cii yô, ngu a ungwa se.” (1 Yohane 5:14) Yesu tese ikyav sha akaa a i doo u se eren msen sha mi yô. (Ôr Mateu 6:9-13.) Se fatyô u eren msen sha mbamzeyol asev, shi gba u se umbur u sughun Aôndo sha akaa a a er sha ci wase la, shi se sônon un ser a wase mbagenev.

Er Nan Ve Akaabo a Eren shi Ior Ve Lu Yan Icana?

U Fatyô u Lun Uma Gbem sha Won shi a Saan We Iyol!—Nenge Kwagh u Bibilo i Ôr Yô.
- U fa kpa?
  
  Shighe u Satan hii eren aie la, yange vihi Yehova iti. Yange kaa ér Yehova ka Orhemen u dedoo ga, shi eren kwagh a mba a hemen ve la sha dooshima ga. Yehova una va been a ican i uumace ve lu yan ne kera yô, una kar a ilyahan sha iti na kera man ica a gba ga tsô una er kwagh ne. Una tese wang ér ka hemen na u hembe doon ye. Kwagh u been a ilyahan sha iti i Yehova kera la, ka ikyaa i hemban sha won cii.—Mateu 6:9, 10.

Kwagh u Tartor u Aôndo Ua Va Er Yô

U Fatyô u Lun Uma Gbem sha Won shi a Saan We Iyol!—Nenge Kwagh u Bibilo i Ôr Yô.

ITYOUGH 33

Kwagh u Tartor u Aôndo Ua Va Er Yô

Tartor u Aôndo ngu hemen sha hegen. Ica a gba ga tsô ua hii u hemen shin tar shi ua sôr akaa sha tar, nahan tar ua doo. De se nenge ase akaa a dedoo agen a Tartor la ua va er yô.

1. Tartor u Aôndo ua va a bem shi ua na a gema eren perapera shin tar nena?

Yesu u a lu Tor u Tartor u Aôndo la una tim aferaior kua ugomoti cii sha shighe u ityav mbi Armagedon la. (Mpase 16:14, 16) Shighe la, kwagh u Bibilo i ôr ne una kure sha mi vindi vindi. I kaa ér: ‘Gadia shi côhin tsô iferor á kera lu ga.’ (Pasalmi 37:10) Yesu una va a bem man perapera sha tar cii sha ikyev i Tartor la.—Ôr Yesaia 11:4.

2. Shighe u a gema eren ishima i Aôndo shin tar la uma una lu nena?

Shighe u Tartor u Aôndo ua lu hemen la, ‘mbaperapera vea ya dyako u tar, vea lu ken u gbem.’ (Pasalmi 37:29) Hen ase er u lu ken tar u ior cii vea lu ior mba dedoo shi Yehova man mbagenev vea doo ve ishima ve, a lu la! Or môm nana kera gba angev ga, shi hanma or nana lu uma gbem sha won.

3. Shighe u a tim aferaior kera la, Tartor u Aôndo ua er nyi?

A va timin aferaior kera cii yô, Yesu una tema Tor anyom 1,000. Shighe la, Yesu man iorov 144,000 mba vea lu hemen vea na la, vea wase uumace mba shin tar cii vea kera lu mbaasorabo ga. Anyom 1,000 la aa been yô, tar cii ua hingir paradiso u doon ashe shi ior cii vea lu ungwan imo i Yehova nahan a saan ve iyol. Yesu maa una hide a Tartor la una na Ter na, Yehova. Hen shighe la, a “tsegha iti” i Yehova a hemba ave a tse. (Mateu 6:9, 10) Hanma or nana fa wang hen shighe la er Yehova a lu Orhemen u dedoo, u a we mba a hemen ve la ikyo yô. Yehova maa una tim Satan man azôv kua hanma or u nan hendan a hemen na cii. (Mpase 20:7-10) Akaa a dedoo a Tartor u Aôndo ua er la aa lu gbem sha won.

HEN KWAGH I ZA SHIMI

Hen fa er i hii ve se ne jighjigh ser Aôndo una kure hanma ityendezwa i Bibilo i er sha kwagh u mlu wase u ken hemen sha ikyev i Tartor na la yô.

4. Tartor u Aôndo ua kar a gomoti u uumace kera

“Or ka nana lu a tahav sha orgen yô, nan eren nan ican.” (Orpasenkwagh 8:9) Yehova una er tom a Tartor na u been a ieren ne kera.

Ôr Daniel 2:44 man 2 Mbatesalonika 1:6-8, maa lam nen sha mbampin mban:

Yehova man Wan na Yesu, vea er a ugomoti mba uumace kua mba ve suen ugomoti mban la nena?
Kwagh u u hen sha kwagh u Yehova man Yesu la wase u u lun a vangertiôr wer hanma kwagh u vea er cii a lu u vough man u shami nena?

Yesu tema Tor sha, ngu hemen ior ken paradiso shin tar.

5. Yesu ka Tor u hemban doon cii

Er Yesu a lu Tor u Tartor u Aôndo yô, una wase ior mba shin tar cii sha igbenda kpishi. Nenge VIDIO i i lu heen ne sha er u nenge er Yesu a vande tesen ér sar un u wasen ior shi Aôndo a ne un tahav mbu eren kwagh ne yô.

VIDIO: Yesu Tese Kwagh u Tartor u Aôndo Ua Er Yô (1:13)

Shighe u Yesu lu shin tar la, yange pande tese kwagh u Tartor la ua va er yô. Ken averen a i ter heen ne, ka hanma u lu veren ashe a mini? Ôr avur a i nger shin heen ne, nahan nenge er a wase se u seer fan kwagh u averen shon yô.

SHIGHE U YESU LU SHIN TAR LA, YANGE . . .	ER YESU A LU SHA LA, UNA . . .
lu a tahav mbu yangen akaa a sha gbaaôndo a lun a tahav.—Marku 4:36-41.	sôr hanma kwagh u i vihi shin tar cii.—Yesaia 35:1, 2.
koso ior udubu imôngo sha ivande.—Mateu 14:17-21.	bee a ijen sha tar cii kera.—Pasalmi 72:16.
bee ior kpishi iangev.—Luka 18:35-43.	na hanma or nana lu gbang gbang.—Yesaia 33:24.
nder ior shin ku.—Luka 8:49-55.	nder ior shin ku shi una tim ku kera.—Mpase 21:3, 4.

6. Tartor u Aôndo ua na uma una va doo ken hemen

Tartor la ua kure awashima u doon tsung u Yehova yange lu a mi ve gba uumace la. Vea lu uma gbem sha won ken paradiso shin tar. Nenge VIDIO i i lu heen ne nahan nenge er Yehova a lu eren tom a Wan na Yesu, u kuren awashima Na yô.

VIDIO: Akaa a Tesen Er Uma una Va Doo ken Hemen Yô (4:38)

Ôr Pasalmi 145:16, maa lam nen sha mpin ne:

Er u fe wer Yehova una va ‘bugh uwegh nagh una na hanma kwagh u uma sha isharen na, a kuma un’ nahan ka u nena?

IOR MBAGENEV KA VE KAA ÉR: “Or u injaa nana hemen yô, a kpe se iyol.”

Ka mbamzeyol mba nyi ugomoti mba uumace ve fetyô u sôron ga, kpa Tartor u Aôndo ua va sôrô?

KA NYI U HENE?

Tartor u Aôndo ua er kwagh u Aôndo a soo ér u er la. Ua gema tar cii ua hingir paradiso, shi ior mba dedoo vea lu ker, vea lu civir Yehova gbem sha won.