Ngeren mba Timen sha Mi ken Antakerada u Mkombo u Uma wase man Tom Wase
OKTOBA 2-8
“Kwaghôron u Profeti Daniel Tsangaôron Mve u Mesiya”
(Daniel 9:24) “I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.
it-2-E 902 ¶2
Ulahadi Akunduatargber
Mbee u Tindi u Peren man Isholibo. Yesu yange kpe, i nder shin ku shi hide yem sha, nahan a ‘bee a tindi u peren, man asorabo, sha u nan iwom sha ci u iferkwagh.’ (Da 9:24) Tindi u ikyuryan i yange i pase ér Mbayuda ka mba asorabo, na ve ibo shi wa ve ifan sha ci u ve lu mba vihin ikyuryan i tindi la yô. Kpa her ape isholibo i “ngee” er Tindi u Mose tese la yô, Aôndo a hemba zungwen mhôônom shi a rumun ve sha ikyev i Mesiya. (Ro 5:20) Naagh ku ipaan ku Mesiya la na yô, mbaasorabo mba ve gem ishima yô, a de ve a isholibo kua atindi ve a peren shi a kera tsaha ve ga.
(Daniel 9:25) “Nahan yô, fa man kav kpaa, hii sha mdugh u tindi sha u sôron man u maan Yerusalem zan zan ar hen u i shigh Un mkurem, ka Tor je la, á lu ulahadi utaankaruhar; man ulahadi akunduatar kar uhar, á maa un a ityembe man ukpekpe, kpa a lu sha shighe u ican je.”
it-2-E 900 ¶7
Ulahadi Akunduatargber
‘Ulahadi Akunduatargber Kar Utaankarunyiin’ mba Karen Yô Mesiya Va. Er ulahadi mba “akunduatar kar uhar” (Da 9:25), mbara ve lu ken atô u mba 70 la, shi i lu ve ve dondo ken mba 70 la yô, vea hii ken mkur u “Ulahadi utaankaruhar.” Sha nahan yô, “hii sha mdugh u tindi” la zan zan shighe u i hide i hii u maan Yerusalem la zan zan ar hen “u i shigh Un mkurem, ka Tor je la,” a lu ulahadi 7 kohol “Ulahadi,” 62 shin “Ulahadi” 69; ka anyom 483 je la. Inja na yô, ka hii inyom i 455 C.S.Y. zan zan inyom i 29 S.Y. ne je la. Er i vande ôron nahan, ka ken inyom i 29 S.Y., sha shighe u iceenyolough, i er Yesu batisema, icighan jijingi sen sha a na maa hingir u i “shigh Un mkurem, ka Tor je la” shi hii tom u kwaghpasen ye.—Lu 3:1, 2, 21, 22.
(Daniel 9:26, 27a) “Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je. 27 Una ya ikur i taveraa a ior kpishi lahadi môm man ker atô u lahadi la una er nagh ku sôngon man nagh ku sha samuyia kua bunde.
it-2-E 901 ¶2
Ulahadi Akunduatargber
“Á gber” un ken atô u lahadi shon. Shi Gaberiel va kaa a Daniel ér: “Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga”. (Da 9:26) Yange ‘ulahadi utaankaruhar kohol ulahadi akunduatar kar uhar’ la mba been yô, Yesu kpe sha kon sha u nan uma na hingir ipaan sha ci u uumace ken atô u anyom atar man tiôn a dondon la. (Yes 53:8) Ikyav tese ér Yesu yange er tom u pasen kwagh ken vegher u hiihii u atô u “lahadi” la cii. Sha shighe ugen u i tese ér lu shighe u iceenyolough ken inyom i 32 S.Y. la, Yesu ôr injakwagh igen, man alaghga lu ôron kwagh u ikyurior i Mbayuda; ér mba er ka kon u tur (nenge Mt 17:15-20; 21:18, 19, 43) u u um atam ga, i kom “anyom atar” yô. Orshiren sule kaa a or u lu a sule u wain la ér: “Tere, shi de un inyom ne kpaa, me vughul un itine, me haa ihônghonov, aluer una ume atam inyom i i lu van ne yô, doo, aluer una ume ga yô, ú gba gberen kera tsô.” (Lu 13:6-9) Alaghga lu ôron kwagh u shighe u lu eren tom u na u pasen kwagh hen ikyurior i i soo u ungwan ga, u er kuma anyom atar hen shighe u ôr mkaanem man la, shi lu u una za hemen a mi zan zan inyom i sha unyiin la.
it-2-E 901 ¶5
Ulahadi Akunduatargber
“Atô u lahadi” la, a lu ken atô u anyom ataankaruhar shin a lu ken hemen u anyom atar man tiôn a ken atô u “lahadi” u anyomov la. Er “lahadi” u sha 70 la yange hii ken mbee u inyom i 29 shighe u i er Yesu batisema shi i shighe un mkurem hingir Kristu la yô, atô u lahadi (anyom atar man tiôn) la lu una va zan zan fam u inyom i 33 S.Y. la, shin se kaa ser shighe u Paseka (Nisan 14) ken inyom shon. Sha kwagh u kalenda u Gregory a tese yô, yange ne lu Aipor 1 inyom i 33 S.Y. (Nenge KWAGHYAN U TER U AIKIGHE [Shighe u i Ver Un La].) Apostoli Paulu kaa a vese ér Yesu yange ‘va, ka sha u eren ishima i Aôndo’ sha u una ‘bunde kwagh u hiihii [ka iniaav mbi sha tindi je la] sha u Una ver u sha uhar’ la yô. A er kwagh ne sha u nan uma na hingir ipaan.—Heb 10:1-10.
Ker Akaainjaa a ken Bibilo
(Daniel 9:24) “I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.
w01-E 5/15 27
Mbampin mba Mbaôron Takerada Ne Ve Pin La
Ka Hanma shighe nahan yange i shighe “icighanjiir u hemban” la mkurem er i tsenga pasen ken Daniel 9:24 nahana?
Kwaghôron u profeti u ken Daniel 9:24-27 ka u sha kwagh u mve “u i shigh Un mkurem, ka Tor je la,” Kristu. Sha nahan yô, kwagh u i tsengaôron ér a ‘shighe icighanjiir u hemban la mkurem” la, lu u shighen Icighankpar u Hemban cii u ken tempel u ken Yerusalem la mkurem ga. Ishember i “Shighen Icighanjiir u Hemban la Mkurem” la ngi ôron kwagh u icighanijiir u Aôndo, Sha—Icighankpar u Hemban cii u ken tempel u Yehova u ken jijingi la. —Mbaheberu 8:1-5; 9:2-10, 23.
Ka hanma shighe tempel u Aôndo u ken jijingi la hii u eren tomo? Gbidye ase kwar nenge kwagh u yange za hemen shighe u i er Yesu batisema ken inyom i 29 la. Hii shighe la je zan zan Yesu lu kuren kwaghôron u ken Pasalmi 40:6-8 la. Apostoli Paulu shi va seer pasen ér Yesu er msen hen Aôndo ér: “Nagh ku sôngon man ku nan sar U ga, kpa ka iyol je U serem ye.” (Mbaheberu 10:5) Yesu yange fa je ér “Sar” Yehova u i za hemen u nan iniaav sha anyamev ken tempel u ken Yerusalem ga. Nahan a gema sôr iyol i Yesu i vough la sha er Yesu a na naagh a mi yô. Yesu pase er sar un tsung la nahan ér: “Nenge, M va,—ken ihurenruamabera i nger kwagh Wam ne,—ka sha u eren ishima You, Aôndo.” (Mbaheberu 10:7) Nahan Yehova kaa ér nyi? Takerada u Mateu kaa ér: “Tsô er i er Yesu batisema kera yô, A due shin mnger fese, maa i bugh Sha man A nenge a Jijingi u Aôndo lu senen er ikungugh nahan, va tema sha a Na. Imo due Sha, kaa er: Ngun ka Wan Wam u ishima ishima, u i doom a Na yum yô.”—Mateu 3:16, 17.
Er Yehova lumun naagh ku Yesu na sha iyol na la yô, tese ér i hii tom sha atse a nanden nagh agen, a a hembe a ngise lu ken tempel u ken Yerusalem la yô. Atse ne yange lu “awashima” u Aôndo shin kwagh u Aôndo er sha u lumun naagh ku Yesu na sha uma na la yô. (Mbaheberu 10:10) Er i shighe Yesu mkurem sha icighan jijingi yô, kwagh la tese ér Aôndo ver tempel na u ken jijingi. Ka nahan ve shighe u i lu eren Yesu batisema la, i shighe ijiir i Aôndo i sha la mkurem shin i tsegha i, i hingir “Icighanjiir u Hemban” cii, u ken tempel u ken jijingi la ye.
(Daniel 9:27) “Una ya ikur i taveraa a ior kpishi lahadi môm man ker atô u lahadi la una er nagh ku sôngon man nagh ku sha samuyia kua bunde; sha kpelegh ku akaahôngorough or u nan mtim la, una va, zan zan mkur u i ver la kuma, á haa iyugh sha or u nan mtim la.”
OKTOBA 9-15
“Yehova Yange Tsenga Nengen Kwagh u Una Va Er Ator Yô”
(Daniel 11:2) Hegen yô, me pase u kwagh u mimi. Nenge, utor utar shi vea mough ken Pershia; u sha unyiin la una hemba ve inyaregh ci ca cii; zum u una taver sha ci u inyaregh nagh yô, una tor ior ityô cii, sha u hendan a tartor u Grika.
dp-E 212-213 ¶5-6
Utor Uhar mba Ve Lu Num Ayol a Ve La
5 Utor utar mba hiihii yô, lu Shirushi u Tamen man Cambyses u sha II kua Dariu u sha I la (ka Hystaspes je la). Er Bardiya (shin or u senge ér un ngu Gaumata la) hemen iwer i itiaankarihiar tseegh yô, kwaghôron u profeti kera wa hemen na u sha anshighe kpuaa la sha ada ga. Ken inyom i 490 C.S.Y. la, tor u sha utar ka Dariu u sha I je la, nôngo ér una nôngo ityav a Grika sha kwa har. Nahan kpa, ityav za kur a Mbapershia mban ve yevese ve hide ijime, ken Ashia u kiriki. Er Dariu shi wa iyol tsembelee ér una za ta ityav sha Mbagrika nahan kpa fatyô u kuren awashima na ne ga, sha ci u anyom nga kar er anyiin nahan yô, a kpe kera. Nahan mase shin u wan na Shaseta u sha I, u kar tema tor; u lu tor u sha “unyiin” la, una fatyô yô, una kure awashima u ter na la ye. Lu un lu tor Ahasueru u vôso Eseter la ye.—Eseter 1:1; 2:15-17.
6 Shaseta u sha I la yange “hendan a tartor u Grika,” ka ikpentar i ken tartor la je la. Takerada u “The Medes and Persians—Conquerors and Diplomats la kaa ér, yange atiator a na taver un ishima nahan Shaseta za ityav mbin shin mnger kua sha tareghnyaa. Ortôvon sha yiase i Grika u i yilan un ér Herodotus nger ér: “er i lu je imba kwagh i yange i er ne, lu a vande eren ga.” Yange nger kwagh ne anyom kar hegen er 2500 nahan. Ngeren na ne tese ér ushoja mba ve za ityav mbin shin mnger la “lu iorov 517,610 nahan. Ishoja i angahar lu iorov 1,700,000, mba sha anyinya di lu iorov 80,000 nahan, shi Mbaarabia mba ve lu sha Urakumi man mba Libia mba ve nôngo ityav sha akekeutya yô lu, mba m hen mer yange vea kuma 20,000 yô. Iyenge i shoja i sha tar man i shin mnger la kohol cii yô, lu iorov 2,317,610.”
(Daniel 11:3) “Tsô tor u ageegh una mough u una tema tor sha tahav mbu vesen, una eren kwagh sha ishima na.”
dp-E 213 ¶8
Utor Uhar mba Ve Lu Num Ayol a Ve La
8 Ortyom la kaa ér: “Tsô tor u ageegh una mough u una tema tor sha tahav mbu vesen, una eren kwagh sha ishima na.” (Daniel 11:3) Alekesander u lu anyom ikyundu la “tema tor” sha tar u Masedonia ken iyom i 336 (C.S.Y.) la. Yange hingir “tor u ageegh,” lu Alekesander u Tamen. Sha u kuren awashima u ter na Filibu u sha II la yô, a ngohol veghertar u Pershia, ken Atô u Ityoughkitaregh la. Yange peren mngerem ma Uferati man ma Tigeri yô, shoja na i kuman 47,000 nahan za ta ityav sha ishoja i Dariu u sha III la i kuman 250,000 nahan hen Gaugamela. Ken masejime yô, Dariu yevese, kpa i za wua un; maa kwagh u tartor u Pershia kure. Maa Grika hingir tartor u hemban tahav sha tar cii; Alekesander ‘tema tor sha tahav mbu vesen, shi eren kwagh sha ishima na.’
(Daniel 11:4) Zum u una mough yô, tartor na ua gba, á pav u sha avegher a ahumbe a anyiin a Sha la, ua kera lu u tsombor na ga, tahav nav mbu a tem tor sha mi la kpaa mbua kera lu ga; gadia á wuhe tartor na kera, ua hingir u mbagenev, á kera lu mban ga.
dp-E 214 ¶11
Utor Uhar mba Ve lu Ken Ayôôso La
11 Yange Alekesander kpen kera yô, i “pav [tartor na] sha avegher a ahumbe a anyiin a Sha” la. Ukurmbautyaav nav kpishi gba ayôôsu ayol a ve, ve gba nôngon ngohol avegher a tar la. Kurutya ugen u i yilan un ér Antigonus u sha I, u lu ishe i môm la nôngo ér una ngohol tartor u Alekesander cii u lu sha ikyev na. Nahan kpa, i wua un ken ityav mbi Ipsus, ken Ferigia. Ken inyom i 301 C.S.Y. la, ukurmbautyaav mba Alekesander unyiin ngohol ityar kpishi i orvesen ve tema tor sha mi la lu hemen. Cassander lu hemen Mbamasedonia man Grika. Lysimachus di lu hemen Asia u kiriki la kua Thrace. Seleucus u sha I, ka (Nicator) je la, di lu hemen Mesopotamia man Shiria. Ptolemy Lagus di ngohol Igipiti man Palesetina. Sha nahan yô, kwaghôron u profeti la kure shami vough; i pav tartor u Alekesander u tamen la ker avegher anyiin.
Ker Akaainjaa a ken Bibilo
(Daniel 12:3) “Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.”
(Daniel 12:13) “Kpa we, yem tsô, zan zan mkur; gadia ú mem, man ú mough ú tile sha kwar wou, sha mkur u ayangegh.”
dp-E 315 ¶18
Yehova Tôndozwa a Daniel ér Una Na un Iwua i Doon Tsung
18 Ken mbee u takerada u Daniel la, i ter ityendezwa i doon tsung i Aôndo a er aa uumace yô. Ortyom u Yehova kaa a Daniel ér: “Ú mough ú tile sha kwar wou, sha mkur u ayangegh.” Ortyom la ôr nahan ver ishigh ér nyi? Er ter ishember i “ú mem” sha u ôron kwagh u kuugh yô, ityendezwa i er a Daniel ér una va ‘mough a tile sha’ la, a fatyô u lun mnder u shin ku. Shi mbafantakerada mbagenev kaa ér, ka ken Daniel 12 i hii ôron kwagh u mnder u shin ku wang nahan ken Ruamabera u ken zwa Heberu la ye. (Daniel 12:2) Nahan kpa, kwagh u ve ôr la, ka nahan ga; gadia Daniel vande fan kwagh u ishimaverenkeghen i mnder u shin ku la.
OKTOBA 16-22
“Ieren i Mimi Doo Yehova Ishima, We Ye?”
(Hosea 6:4, 5) “Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô. 5 Ka sha ci u nahan, M gber ve sha uprofeti ye; M wua ve sha mkaanem ma ken zwa Wam; ajiraôron a i ôr u yô, due fere er ka iwanger yô.”
(Hosea 6:6) “Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.”
U Ôron Takerada u Hosea Asav-asav
6:6. Or ka nan ban a ishoon i sha ishima i môm ve nan eren Aôndo isholibo keke ye. Aluer or ban a ishoon i sha ishima i môm ne yô, nana̱ na iyol i nan sha u civir Aôndo nan nan kpa a wase nan ga.
Doo Yehova Er U Ongo Un Yô
7 Umbur wer Yehova ngise pase ior nav mba sha ashighe a tsuaa la ér u wan atindi a na ikyo hemba doon a u kôron ilev nan iniav a mi. (Anzaakaa 21:3, 27; Hosea 6:6; Mateu 12:7) Er nan ve kwagh lu nahana, gadia lu Yehova iyolna wa ior nav tindi ér ve naan iniav ga zee? Kpa awashima u or u nan nagh la jim ka nyi? Ka u nan nagh ér i saan Aôndo iyolo? Shin ka u nan ér ka kwagh u hanma or nan lu eren shinii? Aluer mimi je sar or u civir Aôndo u eren ishima na yô nana̱ ver ishima u eren sha hanma tindi na cii. Kwagh gba Aôndo sha nagh ku uile ga, kpa kwagh u injaa u se na un yô, ka u wan atindi a na ikyo.
Ker Akaainjaa a ken Bibilo
(Hosea 1:7) “Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.”
U Ôron Takerada u Hosea Asav-asav
1:7—Lu hanma shighe i zungwe ya u Yuda mhôônom shi i yima ve? Yange lu ken inyom i 732 C.S.Y. sha ayange a Tor Hesekia la. Hen shighe la, Yehova kure m-anger u Ashiria lu anger Yerusalem la, gadia a tindi ortyom môm tseegh za wua akumautya a Mbaashiria iorov 185,000 hen tugh môm. (2 Utor 19:34, 35) Nahan Yehova yima Yuda, lu “sha ada shin sha sanker shin sha ikyav mbi utyav shin sha anyinya shin sha mbaanyinyav” ga, kpa lu sha ikyev i ortyom môm tseegh.
(Hosea 2:18) “Sha iyange la Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.”
w05 11/15 20 ¶16
Kwaghôron U Profeti U Hosea La Wase Se U Zenden Vea Aôndo
16 Aôndo shi kure ityendezwa ngin kpaa. A kaa ér: “Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.” (Hosea 2:18) Asande a Mbayuda mba ve hide ken tar ve la tema bem bem, ve cia inyamtoho ga. Kwaghôron u profeti ne shi kure ken inyom i 1919, inyom i asande a Iserael u ken jijingi due ken “Zegebabilon,” u a lu tartor u kwaghaôndo u aiegh sha tar cii kera la. Ve tema bem bem mba ember uma ken paradiso ve u ken jijingi vea akar a ve a a lu a ishimaveren i lun uma shin tar gbem sha won la. Ior mba lun a aeren er inyamtoho mba hen atô u Mbakristu mba mimi mban ga.—Mpase 14:8; Yesaia 11:6-9; Mbagalatia 6:16.
g05-E 9/8 12 ¶2
Shighe u Ior sha Tar Cii Vea Eren Kwagh Ken Mzough La
Sha mimi yô, uma una doo sha tar shighe u a gema eren hanma kwagh ken mzough la, sha ci u Aôndo una tese hanma or u nan civir un sha mimi cii u nengen sha ya u nan tsembelee. Shi una kure “ikyur” i ya la, nahan uzendenya mba wan tswam je kpa vea lun ken bem vea uumace, shi inyam ne ia ungwan ve.—Hosea 2:18; Genese 1:26-28; Yesaia 11:6-8.
OKTOBA 23-29
“Na Yehova Naagh Ku Hemban Doon”
(Hosea 14:2) “Tôô nen akaaôron ne, za nen a mi, hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.”
w07-E 4/1 20 ¶2
Iniaav Mbi mbi Doon Aôndo Ishima La
Bibilo tese wang ér Yehova una fatyô u nengen iwuese yase er naagh ku se ne un nahan. Profeti Hosea yange ôr kwagh u se nan naagh sha ‘ityumbujôôv yase sha ityough ki anomabua,’ sha u tesen er Aôndo a nengen iwuese i sha ityumbujôôv yase la ér ka naagh ku hemban doon cii yô. (Hosea 14:2) Apostoli Paulu yange wa Mbakristu mba ken Heberu kwagh ér: “Naan nen Aôndo nagh ku iwuese gbem sha a Na, ka atam a ityumbujôôgh i pasen iti Na ken igbar je la.” (Mbaheberu 13:15) Nyian ne, Mbashiada mba Yehova uve ityough ken tom u pasen loho u dedoo u tartor shi geman akuraior cii hingir mbahenen la. (Mateu 24:14; 28:19, 20) Mba nan Yehova iniaav mbi iwuese tar sha won cii ayange ayange.—Mpase 7:15.
(Hosea 14:4) “Me wanger mhirjime ve, vea gba doon mo ishima tsô; gadia iyugh Yam gema her a na kera.”
Aluer U Ngu Keren Wer Aôndo A Lumun We Yô, U Zua A Uma U Tsôron
15 Bua lu zendenya u hemban taver ishe, u Oriserael nana na Yehova nagh a mi yô. Sha nahan yô, kwagh u i kaa ér “sé gema ityumbujôôv yase sé na nagh sha mi, sha ityough ki anomabua” la, inja na yô, ka mkaanem ma mimi, ma i hen sha mi tsembelee, i ér ma sha u wuese Aôndo u mimi la yô. Yehova yange a er a mba ve naan un iniaav mbira nahan la nena? Yange kaa ér: “vea gba doon mo ishima tsô.” (Hos. 14:4) Mba ve ne iniaav mbi iwuese er mbira nahan la, Yehova den ve kwaghbo shi lumun ve shi ye ikyar a ve.
(Hosea 14:9) Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.
jd-E 87 ¶11
Civir Yehova sha u Dondon Atindi a Na Er A Tese La
11 Hosea 14:9 shi seer teren akaa aa tesen er i doo u eren kwagh u vough yô. Ka sea eren kwagh u Yehova a soo yô, se zua a averen man mbamtsera. Er i lu un a gbe se yô, a fa mlu wase. Akaa a a kaa ér se eren la ka sha ci u mkpeyol wase. De se kar kwagh u ikyaryan yase a Yehova la sha mato man or u eren un. Or u eren mato ka nan fa er i er mato la yô. A fa er i gbe u a musan un mkurem hanma shighe yô. Nahan kpa, aluer u kera er kwagh la ga, u ta cia wer mato ngu zenden sha her tsembelee nahan ka nyi ia eree? Ica ia gba ga je, ijin na a kera gba eren tom vough ga maa una vihi. Kape uumace kpa i lu je la. Orgban se wa se atindi. Aluer se mba kuran a yô, a wase se. (Yesaia 48:17, 18) Ka sea lu a iwuese sha atindi a Aôndo a we se la sha ci u se dondo a nahan wase se yô, kwagh la a mgbegha se i sar se u seer kuran atindi na.—Pasalmi 112:1.
Ker Akaainjaa a ken Bibilo
(Hosea 10:12) Lôô nen perapera sha ci wen, sunda nen dooshima; kaha nen utsa enev, gadia shighe kuma u keren TER, zan zan Una va nôô perapera sha a ven er ka ura nahan.
OKTOBA 30–NOVEMBA 5
“Ônov Enev mba Nomso man mba Kasev Vea Ôron Kwaghôron u Profeti”
(Yoel 2:28, 29) Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge; 29 mbatomov mba nomso man mba kasev kpaa Me haa Jijingi Wam sha a ve sha ayange la.
jd-E 167 ¶4
“Yôô Nen Kwagh Ne Hen Akuraior”
4 De se nenge kwagh ne sha gbenda ugen. Yehova Aôndo yange ôr profeti Yoel kwagh u shighe uumace cii vea lu ôron kwaghôron u profeti yô. A kaa ér: “Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikyaior yen ia nenge mbampase mba sha mnenge.” (Yoel 2:28-32) Sha iyange i Pentekosti u ken inyom i 33 la, apostoli Peteru kaa ér kwagh u icighan jijingi haa sha mba ve kohol sha kparyol u sha ken Yerusalem la man loho u tartor u ve lu pasen “uzegembaakaav mba Aôndo” la kure kwaghôron u profeti la. (Aerenakaa 1:12-14; 2:1-4, 11, 14-21) Nenge ase sha shighe wase ne kpaa. Kwaghôron u profeti Yoel yange hii u kuren sha mi ken mhii u anyom deri aa sember karen ne. Mbakristu mba i shigh ve mkurem mba nomso kua mba kasev man mba beenyol kua mbakiriki yange ve hii u “ôron kwaghôron u profeti” sha u pasen “uzegembaakaav mba Aôndo” kua loho u dedoo u Tartor, u i ver u Sha hegen la.
(Yoel 2:30-32) Me er akaa a kpilighyol Sha kua shin tar kpaa, awambe man usu man zegemnyi u kôndon sha. 31 Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye. 32 Nahan yô, á hingir u hanma or u nan yer sha iti i TER yô, nana war; gadia sha uwo u Shion man ken Yerusalem á zua a mbawaren, er TER lu kaa yô; ka ken mbawaren mbara á zua a mba TER Una yila ve ye.
Ker Akaainjaa a ken Bibilo
(Yoel 2:12, 13) “Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge; 29 mbatomov mba nomso man mba kasev kpaa Me haa Jijingi Wam sha a ve sha ayange la.”
(Yoel 3:14) “Ikpelaior, zegeikpelaior shin pev u kuren ijir! Gadia iyange i TER i kuren ijir shin pev la mgbôghom.”