IJIIR I Watchtower a KOSON ITYAKERADA SHA INTANET YÔ

Ve “Iv a Icighan Jijingi man Iember”

“Eren Shiada” sha Kwagh u Tartor u Aôndo “Vighe Vighe”
- 5. Banaba vea Paulu yange ve er nena ve, ve pase kwagh ken icile i Shiperu?
  
  ⁵ Yange Paulu vea Banaba mba zenden mba za nyer hen ihyongo i Selushia, i lu kyua a Antioki la yô, ve nyôr tso ve yem ken icile i Shiperu man zende u ve er la kuma ukilomita 200 nahan.d Er Banaba lu or u hen Shiperu yô, yange a saan un iyol u van ior mba hen tar na a loho u dedoo je ka u henen a hen ga. Mba za nyer hen gar u Salami u lu sha kpetar vegher u sha ityougkitaregh ki Shiperu la yô, ve kera vihi shighe ga. “Fese je ve gba yôôn loho u Aôndo ken ushinagoge mba Mbayuda.”e (Aer. 13:5) Maa Banaba man Saulu gba zenden hen icile i Shiperu la cii, man ikyav tese ér ve lu pasen kwagh sha agar a vesen er ve lu yemen sha gbenda la. Hanma gbenda u mbamishen mban yange vea tsua u zan yô, ve nôngo u zenden kuman ukilomita 220 nahan!
  
  KEN USHINAGOGE MBA MBAYUDA
  
  Sha hiihii la, Mbayuda yange ve er tom a ishember i “shinagoge” la, u ôron kwagh u ior mba ve kohol imôngo yô. Kpa shighe karen yô, i gema eren tom a ishember ne u ôron kwagh u ijiir i ior ve kohol u civir Yehova yô.
  
  Ikyav tese ér yange mba yemen a Mbayuda uikyangen ken Babilon yô, ve za hii u kohol imôngo ken shinagoge hanma ijiir ape vea lu cii u civir Yehova. Yange ve za ken ushinagoge mban ve za hen kwagh u Yehova shi ve ôr Ruamabera shi ve ungwa er i lu pasen ve Ruamabera yô. Sha ayange a mbaapostoli la, hanma gar ken Iserael lu a shinagoge na. Agar a vesen je yô, yange a lu aa ushinagoge imôngo, shi Yeruslam kpa lu a ushinagoge kpishi.
  
  Nahan kpa, yange mbayuda mba dugh ken uikyangen kera yô, lu ve cii ve hide ken Iserael ga. Mbagen yem ken ityar igen lu za eren kasua. Ken inyom i 500 la nahan, Mbayuda samber sha uipaven mba 127 mba Tartor u Pershia la cii. (Eseter 1:1; 3:8) Shighe karen yô, Mbayuda lu hen agar a hen haregh u Zegemnger u Mediterenia la cii. Mbayuda mba ve samber sha ajiir kposo kposo ne maa hii u kohol ken ushinagoge hen hanma ijiir i ve lu cii.
  
  Yange i ôr Atindi shi i ta iwanger sha mi ken ushinagoge sha hanma Iyange i Memen. Yange or u ôron Atindi la nan tile sha tsembe sha hemen, nahan i ver akaateman sha ishigh ki tsembe la kua ken akpekpe a na. Yange Mbayuda vea kohol imôngo sha Iyange i Memen yô, hanma Oryuda u civir Aôndo u nan lu nomsoor shi nan soo cii, nan ôr Ruamabera shi nan pase kwagh shin nan ta iwanger sha kwagh u i ôr ken Ruamabera la.

Ve “Iv a Icighan Jijingi man Iember”

“Eren Shiada” sha Kwagh u Tartor u Aôndo “Vighe Vighe”
- d Sha ayange a mbaapostoli la, aluer ahumbe yange a mgbeghan tso una yemen hen ijiir i a soo u zan la yô, a er zende ken iyange i kuma er ukilomita 160 nahan. Kpa yange ahumbe a mgbeghan tso una zaan ape a soo u zan la ga yô, zende la u tôô shighe i hemba nahan.