4, 5. Icighan jijingi yange tese Paulu vea mba ve lu zan zende a na la gbenda nena?

⁴ Kwagh u hiihii yô, mbaapostoli yange ve lu per sha u pasen kwagh hen ijiir i i tese ve yô. Bibilo pase se er Yesu yange er tom a jijingi u Yehova sha u hemen apostoli Paulu kua mbagenev mba ve lu zan zende u sagher iyol vea na mbara gbenda yô. (Aer. 2:33) De se tôv sha akaa a yange ve er la.—Ôr Aerenakaa 16:6-10.

⁷ Hen shighe ne, ior mban tsua u eren kwagh u alaghga yange una wa taver ior kpishi u kaven yô. Ivur i sha 8 la pase se ér: “Ve tera ken Mishia man ve va ken Teroa.” Sha nahan yô, mbazendev mbara gema ver ishigh u zan zende u lihen kuman ukilomita 563, ve undu agar agen cii, ve za nyôr ken Teroa, hen ihyongo i peren yemen Masedonia la. Lu kwa u sha utar, u Paulu vea akar a na ne mande uwegh sha hunda je la, kpa kwa ne yô, hunda bugh gbangelaa! Ivur i sha 9 la pase kwagh u za hemen hen shighe la yô, ér: “Tugh mbu il yô, Paulu nenge a kwagh ken mpase u sha mnenge, or u Masedonia tile, lu zamber a na, kaan er: Shi per yande Masedonia keen, va wase se.” Ken masejime yô, Paulu fa hen ape una za pase kwagh yô. Ve kera ngôôr ga je maa, ve nyôr tso ve yem Masedonia.